Qazaqstandyqtar úshin nesieler qymbattap ári qoljetimsiz bola túsedi. Buǵan joǵary syiaqy mólsherlemeleri men bankterdiń marjasyn qysqartýǵa túrtki ETRT-ǵa qatysty talaptardyń qatańdaýy sebep bolmaq. Qazaqstan qarjygerleri qaýymdastyǵynyń jariialaǵan sońǵy sholýynda osyndai tujyrym keltiriledi, dep habarlaidy Dalanews.kz.
"Naqty syiaqy mólsherlemesi 3,6% deiin tómendegenimen, bul keiingi 10 jyldaǵy ortasha deńgeimen (3,0%) shamalas. Biraq nominaldy mólsherlemeler áli de joǵary jáne Ulttyq bank saiasaty qatańdasa, olar odan ári ósýi múmkin", delingen qarjylyq sholýda.
Sonymen qatar qatań rezervtik talaptar qyrkúiek aiynda bankterdiń ótimdiligin 1,5 trln teńgege azaitty. Bul jaǵdai depozitterdiń qymbattaýyna, al nesie tabystylyǵynyń baiaý ósýine ákelip otyr.
Nátijesinde bankterdiń tabysy tómendep, rentabeldilik qysqardy.
Ekonomisterdiń boljamynsha, bul protsess jalǵasa berse, bankter nesieleýdi azaityp, qarjylandyrý táýekelin tutynýshylarǵa júkteýi múmkin.
"Mundai stsenarii investitsiialyq belsendiliktiń báseńdeýine jáne ekonomikanyń baiaýlaýyna ákelip soqtyrýy yqtimal. Munyń sheshimi, infliatsiialyq kútim men devalvatsiiany tejeý bola alady. Naryqtaǵy turaqtanýdyń basty sharty – infliatsiia men devalvatsiia kútimin tómendetý. Eger bul baǵytta oń ózgeris bolsa, paiyzdyq stavkalar birtindep tómendep, ekonomikanyń investitsiialyq tartymdylyǵy artady", - deidi sarapshylar.
Buǵan deiin Ulttyq Bank ekinshi deńgeidegi bankter úshin eń tómengi rezervtik talaptardyń (ETRT) mólsherin ózgertti. Osylaisha, mynandai jańartylǵan normativter belgilendi: teńgelik mindettemeler boiynsha – 3,5% jáne 5%, valiýtalyq mindettemeler boiynsha – 10% jáne 15%. Ulttyq Bank túsindirip ótkendei, qabyldanǵan sharalar aqsha agregattarynyń artyq ósimin azaitýǵa, aqsha-kredit saiasatynyń transmissiiasyn jaqsartýǵa múmkindik beredi, sonda bul infliatsiiaǵa qarsy kúrestiń tiimdiligin arttyrady. ETRT standarttary jyl boiyna kezeń-kezeńimen maqsatty deńgeige deiin kóterilip otyrady.
