Nepal men Qytaidyń Tibet avtonomiialyq aýdanyndaǵy tabiǵi apattan keiin habarsyz ketken eki qazaqstandyqtyń ornalasqan jeri ázirge anyqtalǵan joq, dep habarlaidy dalanews.kz.
Qazaqstan Syrtqy ister ministrliginiń málimetinshe, Nepaldaǵy izdeý-qutqarý operatsiiasy 5 qazanda resmi aiaqtalǵan. Qazir zardap shekken aýmaqtarda qalpyna keltirý jumystary júrip jatyr. Al Qytaidyń eń kóp zardap shekken Girong ýezinde izdeý jumystary jalǵasýda.
Buǵan deiin apattan keiin Qazaqstannan barǵan úsh týristiń habarsyz ketkeni habarlanǵan edi. Onyń ekeýi Nepalda, bireýi Tibette bolýy múmkin degen aqparat bolǵan. Keiin Nepalda júrgen dep boljanǵan azamatpen bailanys ornap, onyń apat aimaǵyna barmaǵany anyqtaldy. Ol qazir Qazaqstanda.
Qalǵan eki qazaqstandyqtyń týystary qajetti rásimderden ótip, olardyń DNQ úlgilerin anyqtaý úshin biologiialyq material tapsyrdy. Qytai men Nepaldyń quzyretti organdary máiitterdi anyqtaý jáne genetikalyq saraptama jumystaryn júrgizip jatyr.
Qazaqstandyq diplomattar habarsyz ketken azamattardyń otbasylarymen bailanysta bolyp, qajetti qoldaý kórsetýde.
