Nekege májbúrlegeni úshin qylmystyq jaýapkershilik engizildi, dep habarlaidy Dalanews.kz.
Qylmystyq kodekske nekege turýǵa májbúrlegeni úshin qylmystyq jaýaptylyq kózdelgen jańa 125-1-bap engizildi. Bul zańǵa Memleket basshysy 2025 jylǵy 16 shildede qol qoidy.
"Neke – bul erikti odaq, ol tek eki jaqtyń ózara kelisimimen ǵana jasalýǵa tiis. Májbúrleý, ásirese, qysym, qorqytý, psihologiialyq nemese fizikalyq zorlyq kórsetý adamnyń negizgi quqyqtaryn buzý dep sanalady. Birqatar elde mundai neke adam saýdasynyń bir túri retinde tanylady", - dep jazylǵan habarlamada.
Keiingi 5 jylda Qazaqstanda osyndai 257 qylmystyq is tirkelgen, olardyń 95%-y toqtatylǵan.
"Jańa zańnamaǵa sáikes qorqytý, bopsalaý, kúsh qoldaný nemese basqa da qysym kórsetý arqyly nekege májbúrleý úshin 2 jylǵa deiin bas bostandyǵynan aiyrý jazasy kózdeledi, al aýyr zardaptar bolsa, 10 jylǵa deiin jaza kózdeledi", - dep jazylǵan habarlamada.
