نەكەگە ماجبۇرلەگەنى ءۇشىن قىلمىستىق جاۋاپكەرشىلىك ەنگىزىلدى، دەپ حابارلايدى Dalanews.kz.
قىلمىستىق كودەكسكە نەكەگە تۇرۋعا ماجبۇرلەگەنى ءۇشىن قىلمىستىق جاۋاپتىلىق كوزدەلگەن جاڭا 125-1-باپ ەنگىزىلدى. بۇل زاڭعا مەملەكەت باسشىسى 2025 جىلعى 16 شىلدەدە قول قويدى.
"نەكە – بۇل ەرىكتى وداق، ول تەك ەكى جاقتىڭ ءوزارا كەلىسىمىمەن عانا جاسالۋعا ءتيىس. ماجبۇرلەۋ، اسىرەسە، قىسىم، قورقىتۋ، پسيحولوگيالىق نەمەسە فيزيكالىق زورلىق كورسەتۋ ادامنىڭ نەگىزگى قۇقىقتارىن بۇزۋ دەپ سانالادى. ءبىرقاتار ەلدە مۇنداي نەكە ادام ساۋداسىنىڭ ءبىر ءتۇرى رەتىندە تانىلادى"، - دەپ جازىلعان حابارلامادا.
كەيىنگى 5 جىلدا قازاقستاندا وسىنداي 257 قىلمىستىق ءىس تىركەلگەن، ولاردىڭ 95%-ى توقتاتىلعان.
"جاڭا زاڭناماعا سايكەس قورقىتۋ، بوپسالاۋ، كۇش قولدانۋ نەمەسە باسقا دا قىسىم كورسەتۋ ارقىلى نەكەگە ماجبۇرلەۋ ءۇشىن 2 جىلعا دەيىن باس بوستاندىعىنان ايىرۋ جازاسى كوزدەلەدى، ال اۋىر زارداپتار بولسا، 10 جىلعا دەيىن جازا كوزدەلەدى"، - دەپ جازىلعان حابارلامادا.
