QMA Pavlodar oblysy boıynsha departamenti Ekibastuzda veıpter, olarǵa arnalǵan hosh ıistendirgishter men suıyqtyqtardy zańsyz aınalymǵa shyǵarýmen aınalysqan topty anyqtady, - dep habarlaıdy Dalanews.kz.
Tyıym salynǵan ónimder Telegram messendjerindegi VAPE SHOP MAXI MALL arnasy arqyly satylyp, kýrerler arqyly jiberilip otyrǵan.
QMA málimetinshe, 5 600-den asa veıp pen olardyń bólikteri tárkilengen. Bul ónimder satylǵanda qylmystyq tabys 100 mln teńgeden asatyn edi.
"Jedel izdestirý is-sharalary barysynda qoıma men satý núkteleri anyqtaldy. Erekshe nazar aýdaratyn jaıt bar: bul ónimder kámeletke tolmaǵandar, sonyń ishinde mektep oqýshylary arasynda keń taralǵan", - dep jazylǵan habarlamada.
Zańsyz bıznesti uıymdastyrýshylar elektron temekilerdi jasóspirimderge satyp, olardyń densaýlyǵyna qaýip tóndirgen. Tergeý amaldary jalǵasyp jatyr.
