قما پاۆلودار وبلىسى بويىنشا دەپارتامەنتٸ ەكٸباستۇزدا ۆەيپتەر, ولارعا ارنالعان حوش يٸستەندٸرگٸشتەر مەن سۇيىقتىقتاردى زاڭسىز اينالىمعا شىعارۋمەن اينالىسقان توپتى انىقتادى, - دەپ حابارلايدى Dalanews.kz.
تىيىم سالىنعان ٶنٸمدەر Telegram مەسسەندجەرٸندەگٸ VAPE SHOP MAXI MALL ارناسى ارقىلى ساتىلىپ, كۋرەرلەر ارقىلى جٸبەرٸلٸپ وتىرعان.
قما مەلٸمەتٸنشە, 5 600-دەن اسا ۆەيپ پەن ولاردىڭ بٶلٸكتەرٸ تەركٸلەنگەن. بۇل ٶنٸمدەر ساتىلعاندا قىلمىستىق تابىس 100 ملن تەڭگەدەن اساتىن ەدٸ.
"جەدەل ٸزدەستٸرۋ ٸس-شارالارى بارىسىندا قويما مەن ساتۋ نٷكتەلەرٸ انىقتالدى. ەرەكشە نازار اۋداراتىن جايت بار: بۇل ٶنٸمدەر كەمەلەتكە تولماعاندار, سونىڭ ٸشٸندە مەكتەپ وقۋشىلارى اراسىندا كەڭ تارالعان", - دەپ جازىلعان حابارلامادا.
زاڭسىز بيزنەستٸ ۇيىمداستىرۋشىلار ەلەكترون تەمەكٸلەردٸ جاسٶسپٸرٸمدەرگە ساتىپ, ولاردىڭ دەنساۋلىعىنا قاۋٸپ تٶندٸرگەن. تەرگەۋ امالدارى جالعاسىپ جاتىر.
