233 myńǵa jýyq talapker 2026 jylǵy negizgi Ulttyq biryńǵai testileýdi tapsyrdy, dep habarlaidy dalanews.kz.
Onyń ishinde 73,1%-ǵa jýyǵy qazaq tilinde, 26,8%-y orys tilinde, 383 adam aǵylshyn tilinde testten ótti. Talapkerlerge negizgi UBT-ny eki ret tapsyryp, eń úzdik nátijemen grant konkýrsyna qatysý múmkindigi usynyldy. Osylaisha, 233 myń talapker UBT-ny 422 myń ret tapsyrdy (2025 jyly 210 myń talapker UBT-ny 381 myń ret tapsyrdy).
Test qorytyndysy boiynsha 177 myńǵa jýyq talapker shekti ball jinady, bul qatysýshylardyń jalpy sanynyń 76%-y bolady. Bes pán boiynsha UBT-nyń ortasha baly - 69 ball. Eń joǵary 140 baldy Pavlodar oblysynyń túlegi Áset Altair jáne Qyzylorda oblysynyń túlegi Balhan Alfiia (QAZTEST konvertatsiiasy arqyly) jinady. 821 adam 130 baldan joǵary nátijege qol jetkizdi.
UBT ótkizý barysynda 890 erejebuzýshylyq anyqtaldy. Onyń ishinde 522 talapker smartfon, shpargalka jáne basqa da tyiym salynǵan zattardy alyp ótý áreketi saldarynan test tapsyrý múmkindiginen aiyryldy. Test kezinde erejelerdi buzǵany úshin aýditoriiadan 361 adam shyǵarylyp, olardyń nátijeleri joiyldy. Keibir testilenýshilerden smart-saǵattar, mikroqulaqqaptar, smartfondar jáne basqa da tyiym salynǵan zattar tabyldy. Beinejazbalardy tekserýden soń ereje buzǵan 7 adamnyń nátijesi joiylǵan.
