Búgin Májilistiń jalpy otyrysynda Salyq kodeksiniń jobasy qaralady. Premer-ministrdiń orynbasary - Ulttyq ekonomika ministri Serik Jumanǵarin baiandama jasaidy eken, dep habarlaidy Dalanews.kz.
Keshe AMANAT partiiasy salyq reformasyn synaǵandai boldy. Búgin sol Parlament qabyrǵasynda salyq úshin biraz taitalas bolatynyn ishimiz sezedi. Úkimet óz pozitsiiasyn qalai qorǵaitynyn ýaqytynda kóremiz.
«Paryz» konfederatsiiasynyń jetekshisi Jumabek Janyqulov: «Qazirgidei álemde bolyp jatqan turaqsyzdyq jaǵdaiynda jańa Salyq kodeksin qabyldaý - reforma emes, úlken - táýekel» dep jazypty.
"Qazir AQSh pen Qytai arasynda tariftik qaqtyǵystar kúsheiip, Eýroodaq qorǵanys sharalaryn engizip jatqanda, biz QQS stavkasyn 16%-ǵa deiin kótere otyryp, Salyq kodeksin qaita jazyp jatyrmyz. Biznes onsyz da kúizelis halde: infliatsiia, energiia resýrstary men logistika tarifteriniń ósýi, suranystyń turaqsyzdyǵy. Investitsiia úshin bolashaqqa senim kerek. Al fiskaldyq saiasat únemi ózgere beretin bolsa, kapital erejesi ornyǵyp bolǵan ózge elderge ketedi", deidi ol.
Onyń aitýynsha, biznes onsyz da kúizeliste: infliatsiia, energiia resýrstary men logistika tarifteriniń qymbattaýy, suranystyń turaqsyzdyǵy degendei.
"Investitsiialar erteńgi kúnge degen senimdilikti talap etedi. Fiskaldyq saiasat ainymaly mánge ainalǵanda, kapital erejeleri turaqty jaqqa tizgin qaǵady. Sonymen qatar... Bizge importty tsifrlandyrý óte qajet, bul ashyq jáne adal ekonomikanyń negizi. Qytaidan keletin import ta tsifrlyq baqylaýdy qajet etedi. @ Paryz_org konfederatsiiasy importty tsifrlai tirkeýdi mindettýdi, onyń ishinde kúdikti jetkizilimderdi avtomatty túrde anyqtai otyryp, TNVED kodtary boiynsha analitikalyq júielerdi qurý arqyly engizýdi usynady. Bul kedendik ákimshilendirýdi de, protektsionistik saiasattyń tiimdiligin de kúsheitedi", - deidi kásipker.
Ol protektsionizm AQSh, Qytai, Úndistan, Resei, tipti Ózbekstanda da belsendi qoldanylatyny, óz biznesin qoldaýsyz memlekettiń óndiristik áleýetinen airylý qaýpi baryn naqtylaidy.
Eske salaiyq, buǵan deiin Oljas Bektenov salyq kodeksi jobasy týraly mańyzdy tapsyrma bergen bolatyn. Iaǵni osy aptada óńirlerde kásipkerlerdiń, máslihat depýtattary men sarapshylardyń qatysýymen talqylaýdy jalǵastyrýy kerek.
