Eks-prezident Nursultan Nazarbaevtyń tuńǵyshy Dariǵa men kenjesi Áliia bitimge kelýden bas tartty, - dep habarlaidy Dalanews.kz.
Nursultan Nazarbaevtyń úlken jáne kishi qyzdary - Dariǵa men Áliia arasyndaǵy "qyrǵiqabaq" soǵys aiaqtalatyn túri joq.
"Nazarbaev olimpten taiǵannan keiin, áýlet úlkenderi Dariǵa men Áliiany tatýlastyrǵysy kelgen. Sebebi, Nazarbaevtyń otbasy ishindegi kikiljiń qazirgi "Jańa Qazaqstan" jaǵdaiynda olarǵa múlde qajet emes. Alaida sińlilerdiń bir-birine degen ókpesi tym aýyr siiaqty", - deidi, jaǵdaimen jaqsy tanys DALA INSIDE derekkózi.
Olardyń janjaly Dariǵa Nazarbaevanyń uly Aisultannyń esirtkige táýeldi bolýynan bastalǵan edi. Anasynan qashyp ketken Aisultandy Áliia óz qamqorlyǵyna alady. Artynan Dariǵa balasyn alyp ketýge kelgende, Áliia onyń "balanyń psihikasyn buzdy" dep aiyptaǵan. Sol kezde Nazarbaevtyń úlken qyzy "áýletke esirtkini alyp kelgen sensin" dep, kishi sińlisine judyryq jumsaǵan degen aqparat bar.
Artynan Dariǵanyń ROP operatoryna shabýyly bastaldy. Áý basta óziniń qol astynda istegen Sanjar Boqaevty ROP pen ýtilalymǵa qarsy qoiǵan osy Dariǵa Nazarbaeva bolatyn.
Osydan keiin sińliler aralasýdy qoiyp, áýlettiń toiy nemese ólim-jitimderinde bir-birinen aýlaq júretin bolǵan. Taiaýda olardy tatýlastyrmaq bolǵan týystarynyń áreketi sátsiz aiaqtaldy.
"Nazarbaevtyń kózi tirisi kezinde ǵana olardyń qyzdaryna qaýipsizdik garantiiasy bar. Islam Kárimov ólgennen keiin onyń qyzy, jalǵandy jalpaǵynan basqan Gúlnar Kárimovanyń qandai kúi keshkeni, abaqtyda otyrǵanyn bárimiz bilemiz. Sondyqtan da, tom-tom bolyp jinalyp qoiylǵan biraz qylmystyq istiń qozǵalmai jatqany da ýaqytsha ǵana", - deidi, derekkóz.
DALA INSIDE kezinde Qazaqstandy ýysynda ustaǵan otbasynyń bylyqtary týraly az jazǵan joq. Jaqynda Dariǵaǵa qatysty bir insaid daiyndalýda.
