«Ortalyq Aziia mádeniet pen ónerdi qoldaý qory» ónerge degen qyzyǵýshylyǵynan aiyryldy. Tipti, josparlanǵan qarjylandyrý da toqtatylǵan. Sońǵy derek boiynsha qazir olarda qatań tekserý júrip jatyr. «Shabyt» ýniversitetindegi «shielenisten» soń Aiman Musahodjaeva óz erkimen qyzmetinen ketti. Odan soń horeografiia akademiiasynda aýdit júrgizildi, biraq shi shyqpady. Qazir Qurmanbaevanyń «basqan izin» tergelýde», – deidi derekkóz.
Qazir Almaty teatrynyń birinshi direktory – Shalbaev Ersultan Myrzahanuly. Kompra servisindegi aqparat boiynsha ol 25 jasta. Teatr Almatynyń ortalyǵyndaǵy ál-Farabi dańǵylynda, Nazarbaev dańǵylynyń qiylysynda ornalasqan.
Ashyq derekke sáikes, 2023 jyldyń aqpanynda Shalbaev Almaty teatrynyń basshysy bolǵan Diana Asqarqyzy Zairovanyń ornyn basqan. Al Zairova men Qurmanbaeva aralas-quralas bolǵany anyqtaldy. Nazarbaevtyń ekinshi áieli Zairova negizin qalaǵan «ATBco» JShS-in basqarǵan. Eń qyzyǵy, «ATBco» klientteriniń qataryna joǵaryda atalǵan Horeografiia akademiiasy kiredi. Sonymen qatar Zairova «Ortalyq Aziia mádeniet pen ónerdi qoldaý» qoryn basqardy.
«Teatr «Halyq bankiniń» menshigindegi jerge salyndy, Nazarbaev teatrdy salýdy Timýr Qulybaevqa (eks-prezidenttiń kúieý balasy ) tapsyrǵan bolýy múmkin jáne ol ony ózi basqaratyn «Bazis-A» kómegimen saldy. Biraq Nazarbaevqa teatrdyń quny 50 million dollar turatynyn aitqan, shyn máninde onyń quny 10 million dollardan aspaýy múmkin» delingen derekterde.
16 qańtarda belgili qazaqstandyq skripkashy Aiman Musahodjaeva Qazaq ulttyq óner ýniversitetiniń (QazUÓÝ) rektory qyzmetinen ketti, sonymen qatar ýniversitet basshylyǵy aýysty. Abai atyndaǵy Memlekettik akademiialyq opera jáne balet teatrynda da kadrlyq aýys-túiis kútiledi.
Eske salaiyq, buǵan deiin eks prezidenttiń ««Meniń ómirim. Bodandyqtan – bostandyqqa» atty kitaby jaryq kórdi. Munda Nazarbaev ekinshi áieli men eki balasy baryn ashyq jazǵan.
https://dalanews.kz/news/98048-almatyda-zher-silkinisi-kezinde-terez
https://dalanews.kz/aimak/98167-auylga-gaz-tartuda-turkistan-oblysy-k
