Jetisý oblysynyń ákimi Beıbit Isaev halyq qoldasa, Taldyqorǵandaǵy Nazarbaev kóshesiniń ataýyn ózgertýge daıyn ekenin jáne burynǵy prezıdentke arnalǵan eskertkishti jóndemeıtinin málimdedi, – dep habarlaıdy kznews.kz.

Ákimniń aıtýynsha, onyń ornyna Abaı Qunanbaıulyna eskertkish ornatylady.

Qazir Almatyda jasalyp jatqan ol eskertkish bir-eki aıdan keıin daıyn bolady eken. Bıiktigi – 9 metr, al quny 300 mıllıon teńgege deıin jetýi múmkin.

Ákim eskertkishti Taldyqorǵan qalasynyń ortalyǵyna ornatý qajettigin aıtsa, jergilikti turǵyn ony Abaı kóshesine qoıýdy usynǵan.

Beıbit Isaev bul usynysty jurttyń kóbi qoldap jatsa, qulaq asýǵa daıyn ekenin aıtty. Ol úshin qala turǵyndary qol jınaýy kerek.