Kann qalasynda ótken Knights of Charity atty qaiyrymdylyq keshinde Qazaqstannyń tuńǵysh prezidenti Nursultan Nazarbaevtyń úlken qyzy Dariǵa Nazarbaeva, uly Taýman Nazarbaev jáne nemeresi Nuráli Áliev boi kórsetti, dep habarlaidy Dalanews.kz.
Aita keteiik, sol keshte kórshi ústelde Ulybritaniia koroldik otbasynyń múshesi Sara Fergiýson, hanzada Endriýdiń burynǵy jubaiy, hanshaiym Beatris pen Evgeniianyń anasy qonaqtarmen birge keshki as iship otyrǵany baiqalady.
“Is-shara barysynda qonaqtarǵa arnaiy katalog usynylyp, ondaǵy baǵaly buiymdar aýktsion arqyly satylymǵa shyǵaryldy. Túsken qarajat qaiyrymdylyqqa jumsalatyny aityldy. Saýdaǵa qoiylǵan zattardyń arasynda tanymal serbiialyq tennisshi Anna Ivanovichke tiesili bolǵan Rolex saǵaty da bar”, — deidi Nege.kz telegram arnasy.
Keshte álemge áigili italiialyq tenor Andrea Bochelli óner kórsetti.
Eske salaiyq, buǵan deiin Nazarbaev Astananyń bas meshitinde kózge túsken edi.
Videony áleýmettik jelidegi paraqshasynda meshit azanshysy Qýanysh Seiithanov jariialady. Kadrlarda Nursultan Nazarbaev kúzet qyzmetkerlerimen birge meshit ishin aralap júrgeni kórinedi.
"21 maýsymda QR tuńǵysh prezidenti Nursultan Ábishuly Nazarbaev bas meshitke keldi", - dep jazǵan ol.
Sondai-aq, kadrlardan Nazarbaevtyń meshittegi halyqpen tildeskeni de kórinedi.
"Aman bolyńyz, denińiz saý bolsyn! Júz jasańyz!" - dep tilegen halyq videoda.
