كانن قالاسىندا وتكەن Knights of Charity اتتى قايىرىمدىلىق كەشىندە قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ ۇلكەن قىزى داريعا نازاربايەۆا، ۇلى تاۋمان نازاربايەۆ جانە نەمەرەسى ءنۇرالى الييەۆ بوي كورسەتتى، دەپ حابارلايدى Dalanews.kz.
ايتا كەتەيىك، سول كەشتە كورشى ۇستەلدە ۇلىبريتانيا كورولدىك وتباسىنىڭ مۇشەسى سارا فەرگيۋسون، حانزادا ەندريۋدىڭ بۇرىنعى جۇبايى، حانشايىم بەاتريس پەن ەۆگەنيانىڭ اناسى قوناقتارمەن بىرگە كەشكى اس ءىشىپ وتىرعانى بايقالادى.
“ءىس-شارا بارىسىندا قوناقتارعا ارنايى كاتالوگ ۇسىنىلىپ، ونداعى باعالى بۇيىمدار اۋكسيون ارقىلى ساتىلىمعا شىعارىلدى. تۇسكەن قاراجات قايىرىمدىلىققا جۇمسالاتىنى ايتىلدى. ساۋداعا قويىلعان زاتتاردىڭ اراسىندا تانىمال سەربيالىق تەننيسشى اننا يۆانوۆيچكە تيەسىلى بولعان Rolex ساعاتى دا بار”، — دەيدى Nege.kz تەلەگرام ارناسى.
كەشتە الەمگە ايگىلى يتاليالىق تەنور اندرەا بوچەللي ونەر كورسەتتى.
ەسكە سالايىق، بۇعان دەيىن نازاربايەۆ استانانىڭ باس مەشىتىندە كوزگە تۇسكەن ەدى.
ۆيدەونى الەۋمەتتىك جەلىدەگى پاراقشاسىندا مەشىت ازانشىسى قۋانىش سەيىتحانوۆ جاريالادى. كادرلاردا نۇرسۇلتان نازاربايەۆ كۇزەت قىزمەتكەرلەرىمەن بىرگە مەشىت ءىشىن ارالاپ جۇرگەنى كورىنەدى.
"21 ماۋسىمدا ق ر تۇڭعىش پرەزيدەنتى نۇرسۇلتان ءابىش ۇلى نازاربايەۆ باس مەشىتكە كەلدى"، - دەپ جازعان ول.
سونداي-اق، كادرلاردان نازاربايەۆتىڭ مەشىتتەگى حالىقپەن تىلدەسكەنى دە كورىنەدى.
"امان بولىڭىز، دەنىڭىز ساۋ بولسىن! ءجۇز جاساڭىز!" - دەپ تىلەگەن حالىق ۆيدەودا.
