Bul týraly "Giperborei" arnasyna suhbat bergen belgili jýrnalist Dmitrii Shishkin aitty dep habarlaidy Dalanews.kz.
Áriptesimizdiń aitýynsha, Jańa Qazaqstan ornai sala ýtil alymdy alyp tastaýdy talap etken belsendilerdiń áreketi zaia ketken.
Áliia Nazarbaeva árbir ýtildengen kólikten óziniń "Jasyl damý" kompaniiasy arqyly 130 myń teńge tabys taýyp otyr. Qańtar qyrǵynynan keiin ýtil alymǵa baqylaý júrgizetin pármeninen aiyrylǵan Nazarbaeva kólikti ýtilizatsiialaý mehanizmi men ony ári qarai temir-tersekke ótkizýdegi yqpalyn saqtap qalǵan.
"Ol eldegi poligondardy, qoqys óńdeitin zaýyttardy ýystan shyǵarmai ustap otyr. Alysqa barmai-aq, Astanany mysalǵa alaiyqshy.
Elordadaǵy qoqys óńdeý salasyn Nazarbaevaǵa tiesili Green Future Management kompaniia menshiktep alǵan.
Áliia osy kompaniianyń jalǵyz quryltaishysy. Green Future -den taraityn taǵy segiz kompaniia bar. Olar da Elbasynyń qyzyna tiesili. Bular Qazaqstandaǵy qoqyspen bailanysty barlyq jumysty atqarady. Qoqysty jinaý, óńdeý, qoqys tasityn poligondaryna deiin bar.
Nazarbaeva tek Nur-Sultan qalasymen ǵana shektelmegen. Astanadan tys jerde, ózge óńirlerde de oǵan tiesili kompaniialar jetip artylady", – deidi Shishkin.
Budan bólek Elbasynyń erke qyzy ózine qarasty qor arqyly "Halyqaralyq jasyl tehnologiialar ortalyǵyn" sý teginge (5 mln teńge, red.) satyp alǵan. Áriptesimizdiń aitýynsha ortalyqty "asyraýǵa" memleket esebinen sońǵy eki jylda 1 mlrd. 600 mln teńge bólingen.
"Eki jyldyń ishinde uiymnyń bitirgen isi shamaly. Ortalyq mamandary bolashaq urpaqqa arnap ekologiiaǵa qatysty baiandamalar ázirlegen", – deidi Shishkin.
https://youtu.be/Sqn7I6ydK8s
