QR İshki ister mınıstrligi "Altyn orda" bazarynyń burynǵy jetekshileri, Bolat Nazarbaevtyń seriktesterine izdeý jarıalady. Olar - 41 jastaǵy Qanat Almabek pen 43 jastaǵy Danıar Ábdiǵapparov, dep habarlaıdy Dalanews.kz.
Keıbir BAQ bul eki adamdy Bolat Nazarbaevqa tıesili bolǵan "Altyn orda" bazarymen baılanystyrady, dep jazady kursiv.kz.
Resmı derekterge súıensek, Qanat Almabek – "Ush Qonyr City" JSHS quryltaıshysy dep kórsetilgen. Kompanıa jyljymaıtyn múlikterdi basqarýmen jáne olardy jalǵa berýmen aınalysady. Al Danıar Ábdiǵapparov – "Altyn Orda Qaztrade Ltd" JSHS quryltaıshysy jáne dırektory. Ol da jyljymaıtyn múlikti jalǵa berý salasynda jumys isteıdi.
Almatydaǵy eń iri bazardyń biri "Altyn Orda" "KURYLYS LTD" JSHS menshiginde bolǵan. Bul kompanıany 2013 jyly naýryz ben 2022 jyl sáýir aralyǵynda Bolat Nazarbaev basqarǵan. 2022 jyly quryltaıshysy aýysyp, Danıar Álpıev pen "Kompanıa nomer odın" JSHS boldy.
Sol kezde Májilis depýtaty Abzal Quspan Qarjylyq monıtorıń agenttigi "Altyn orda" bazaryn ıelený úshin tergeý júrgizip, bazardy baqylaýyna alǵanyn aıtqan edi.
