Keshe almatylyq "Qairat" Chempiondar ligasynyń jalpy kezeńiniń ekinshi týrynda madridtik "Realmen" óz alańynda oinady. Tarihi oiynda Nazarbaevtar da tóbe kórsetti degen aqparat tarady, dep habarlaidy Dalanews.kz.
Jelide Nursultan Nazarbaevtyń ózi matchti tamashalaýǵa keldi delingen sýret tarap jatyr. Áleýmettik jeli qoldanýshylarynyń aitýynsha, sýrette eks-prezident Nursultan Nazarbaev, Almaty ákimi Darhan Satybaldy, shet jaqta týrizm jáne sport ministri Erbol Myrzabosynov baiqalady.
Odan bólek Nazarbaevtyń jieni Nuráli Áliev te áleýmettik jelidegi paraqshasynda matchten videolar júktedi.
Aita keteiik, kezdesý "Realdyń" paidasyna 5:0 esebimen aiaqtaldy. Madridtik "Real" óz tarihynda alǵash ret Qazaqstan aýmaǵynda resmi oiyn ótkizdi. Al almatylyqtar úshin Eýropanyń eń titýldy klýbymen ótken bul kezdesý Chempiondar ligasynyń jalpy kezeńindegi alǵashqy óz alańyndaǵy match boldy.
