Bıyl Forbes Kazakhstan tizimindegi baı kásipkerlerdiń sany artty, buǵan deıin tek 50 oryn bolatyn, - dep habarlaıdy Dalanews.kz forbes.kz-ke silteme jasap.
Reıtıńke súıensek, bıyl Vácheslav Kım alǵash ret Forbes Kazakhstan baı bıznesmender reıtıńiniń kóshbasshysy atanyp otyr. Bir jyl ishinde onyń baılyǵy 2,2 mıllard dollarǵa ósken. Vácheslav Kım - Kaspi.kz aksıoneri jáne dırektorlar keńesiniń tóraǵasy, ol 2024 jylǵy 1 sáýirdegi jaǵdaı boıynsha kompanıanyń 21,4 paıyzyn baqylaıdy. Sondaı-aq, "ALSEKO" AQ-nyń 90 paıyzyna ıe.
Nazarbaevtar áýletiniń ókilderi de reıtıńte. Bir jyl ishinde eks-prezıdenttiń kúıeý balasy Tımýr Qulybaevtyń baılyǵy 700 mıllıon dollarǵa artty. Osylaısha Forbes mıllıarderleriniń jahandyq reıtıńinde ol 612-oryndy ıelendi. Kásipkerdiń baılyǵy onyń Halyk bankindegi úlesi ulǵaıýyna baılanysty ósti. Qulybaevtar "Qazaqstan Halyq Banki" AQ-ty "Almeks" holdıń toby arqyly basqarady. Al tuńǵysh prezıdenttiń qyzy Dınara Qulybaeva da jubaıy sıaqty Forbes mıllıarderleriniń jahandyq tiziminde 612-orynǵa ıe boldy, bir jyl ishinde onyń baılyǵy da 700 mıllıon dollarǵa ósti.
Tizimde Vladımır Kım de bar. Bir jyl ishinde onyń baılyǵy 1 mıllıard dollarǵa tómendedi, sonyń áserinen Forbes mıllıarderleriniń jahandyq reıtıńinde 896-orynda tur. Al Tımýr Týrlov Forbes mıllıarderler tiziminde 991-orynda tur.
Eks-prezıdenttiń tuńǵyshy Darıǵa Nazarbaeva da tizimde. Ol "Eýropa plús Qazaqstan" JSHS jáne "Táýelsiz televızıalyq arna" JSHS (NTK telearnasy) ıelik etedi. Reıtıńte onyń uly Nuráli Álıev te bar. Ol "Transtelekom", "Capital Holding", "Darmen Holding" sekildi nysandarda aksıoner.
Tizimde jańa esimder de bar: sonyń biri - Aıjan Esim. Ol 207 mıllıon dollar baılyqpen 44-orynda tur. Ol Eski Qazaqstannyń ókilderiniń biri Ahmetjan Esimovtiń qyzy ekeni jazylyp jatyr.
Onyń baılyǵynyń negizgi úlesin 2021 jyly Kazphosphate Limited ulybrıtanıalyq kompanıasy arqyly Ǵalymjan Esenovpen birge aksıoner bolǵan "Qazfosfat" JSHS satýdan túsken úlesi quraıdy.
Sondaı-aq, ol "Sport Center" JSHS (fıtnes-klýby) jáne Petropavl nan-toqash kombınatynda úleske ıe.
