نازارباەۆتار ەۋلەتٸنٸڭ ٶكٸلدەرٸ, ەسٸموۆتٸڭ قىزى: قازاقستانداعى وليگارحتار تٸزٸمٸندە كٸمدەر بار?

بيىل Forbes Kazakhstan تٸزٸمٸندەگٸ باي كەسٸپكەرلەردٸڭ سانى ارتتى, بۇعان دەيٸن تەك 50 ورىن بولاتىن, - دەپ حابارلايدى Dalanews.kz forbes.kz-كە سٸلتەمە جاساپ.

رەيتينگكە سٷيەنسەك, بيىل ۆياچەسلاۆ كيم العاش رەت Forbes Kazakhstan باي بيزنەسمەندەر رەيتينگٸنٸڭ كٶشباسشىسى اتانىپ وتىر. بٸر جىل ٸشٸندە ونىڭ بايلىعى 2,2 ميللارد دوللارعا ٶسكەن. ۆياچەسلاۆ كيم - Kaspi.kz اكتسيونەرٸ جەنە ديرەكتورلار كەڭەسٸنٸڭ تٶراعاسى, ول 2024 جىلعى 1 سەۋٸردەگٸ جاعداي بويىنشا كومپانييانىڭ 21,4 پايىزىن باقىلايدى. سونداي-اق, "السەكو" اق-نىڭ 90 پايىزىنا يە.

نازارباەۆتار ەۋلەتٸنٸڭ ٶكٸلدەرٸ دە رەيتينگتە. بٸر جىل ٸشٸندە ەكس-پرەزيدەنتتٸڭ كٷيەۋ بالاسى تيمۋر قۇلىباەۆتىڭ بايلىعى 700 ميلليون دوللارعا ارتتى. وسىلايشا Forbes ميللياردەرلەرٸنٸڭ جاھاندىق رەيتينگٸندە ول 612-ورىندى يەلەندٸ. كەسٸپكەردٸڭ بايلىعى ونىڭ Halyk بانكٸندەگٸ ٷلەسٸ ۇلعايۋىنا بايلانىستى ٶستٸ. قۇلىباەۆتار "قازاقستان حالىق بانكٸ" اق-تى "المەكس" حولدينگ توبى ارقىلى باسقارادى. ال تۇڭعىش پرەزيدەنتتٸڭ قىزى دينارا قۇلىباەۆا دا جۇبايى سيياقتى Forbes ميللياردەرلەرٸنٸڭ جاھاندىق تٸزٸمٸندە 612-ورىنعا يە بولدى, بٸر جىل ٸشٸندە ونىڭ بايلىعى دا 700 ميلليون دوللارعا ٶستٸ.

تٸزٸمدە ۆلاديمير كيم دە بار. بٸر جىل ٸشٸندە ونىڭ بايلىعى 1 ميلليارد دوللارعا تٶمەندەدٸ, سونىڭ ەسەرٸنەن Forbes ميللياردەرلەرٸنٸڭ جاھاندىق رەيتينگٸندە 896-ورىندا تۇر. ال تيمۋر تۋرلوۆ Forbes ميللياردەرلەر تٸزٸمٸندە 991-ورىندا تۇر.

ەكس-پرەزيدەنتتٸڭ تۇڭعىشى داريعا نازارباەۆا دا تٸزٸمدە. ول "ەۋروپا پليۋس قازاقستان" جشس جەنە "تەۋەلسٸز تەلەۆيزييالىق ارنا" جشس (نتك تەلەارناسى) يەلٸك ەتەدٸ. رەيتينگتە ونىڭ ۇلى نۇرەلٸ ەليەۆ تە بار. ول "ترانستەلەكوم", "Capital Holding", "Darmen Holding" سەكٸلدٸ نىسانداردا اكتسيونەر.

تٸزٸمدە جاڭا ەسٸمدەر دە بار: سونىڭ بٸرٸ - ايجان ەسٸم. ول 207 ميلليون دوللار بايلىقپەن 44-ورىندا تۇر. ول ەسكٸ قازاقستاننىڭ ٶكٸلدەرٸنٸڭ بٸرٸ احمەتجان ەسٸموۆتٸڭ قىزى ەكەنٸ جازىلىپ جاتىر. 

ونىڭ بايلىعىنىڭ نەگٸزگٸ ٷلەسٸن 2021 جىلى Kazphosphate Limited ۇلىبريتانييالىق كومپانيياسى ارقىلى عالىمجان ەسەنوۆپەن بٸرگە اكتسيونەر بولعان "قازفوسفات" جشس ساتۋدان تٷسكەن ٷلەسٸ قۇرايدى.

سونداي-اق, ول "Sport Center" جشس (فيتنەس-كلۋبى) جەنە پەتروپاۆل نان-توقاش كومبيناتىندا ٷلەسكە يە.