Tanymal saiasatker Dos Kóshim ASSYLTAS TV baǵdarlamasynda Jańa Qazaqstanda Nazarbaevqa qandai qaýip baryn aitty, - dep habarlaidy Dalanews.kz.
Dos Kóshimniń pikirinshe, Toqaev - eskertkish ornatý, esimin mańyzdy nysandarǵa berý máselesine kelgende mádenietti adam.
"Qasym-Jomart aǵamyz - mádenietti, parasatty adam. Ol ondai nársege jol bergen joq. Meniń oiymsha, keleshekte taiaqtyń ushy Nazarbaevqa tiiýi ábden múmkin. ...Toqaev myrza osy júieni saqtap qalý úshin, kúresip jatqanyn kórsetý úshin Nazarbaevtyń týystaryn qurbandyqqa shalady. Odan keiin Nazarbaevtyń ózin qurbandyqqa shalyp jiberý ońai. Sebebi bilikti saqtap qalý úshin soǵan barýǵa týra keledi. Qazir "Ádiletti Qazaqstan", "Jańa Qazaqstan" degen urandarmen júr ǵoi. Keshirińizder, barlyǵy kórip otyr ǵoi, júz paiyz Eski Qazaqstanda bolǵan adamdar", - deidi ol.
Sondai-aq, saiasattanýshy traibalizmdi qoldamaitynyn, alaida el ishinde "jalaiyrlar bilikke kelip jatyr" degen áńgime bar ekenin jetkizdi.
"Qazir jalaiyrlar kóbeiip ketipti, KNB-nyń bastyǵy jalaiyr eken, Oljas inimiz de jalaiyr eken" degen sózder kóp. Buǵan óz basym kúle qaraimyn. Bizden de úlken adamdardyń shyǵaratyny ma?! Rýshylyq bólinýdi, traibalizm máselesin esh ýaqytta moiyndamaityn adammyn. Qazaqta rý joq bolsa, toptaspai ma? Toptasady. ...Rýshyldyqty saiasi adamdardy toptastyrýdyń quraly etý de bar. Ásirese, bul sailaýda kóp kórinedi. Máslihattyń sailaýynda óte kóp, ózim kórdim. "Anaý atanyń balasyna daýys berme, mynaý ózimizdiń adam" degendi kórdim", - deidi Dos Kóshim.
