Qazaqstanda nazarbayev.kz saity jumys istemei qaldy. Sait qashannan bastap qosylmai qalǵany belgisiz, - dep habarlaidy Dalanews.kz.
Saitqa kirgen kezde ashylmai turǵany baiqaldy.
2023 jyly tuńǵysh prezident Nursultan Nazarbaevtyń resmi saitynan "elbasy" sózi alyp tastalǵan edi. Sonymen qatar, saittyń domeni ózgerip, nazarbayev.kz boldy.
Buǵan deiin birqatar vedomstvolyq nagradalarǵa ózgerister engizetin Prezident jarlyǵynyń jobasy jariialandy. Iaǵni elbasy sózi kezdesetin nagradalar ózgerdi.
Jarlyq jobasyna sáikes "Elbasynyń qaýipsizdigin erlikpen qamtamasyz etkeni úshin" medali "Laiyqty qyzmeti úshin" medali bolyp ózgertiledi.
"Elbasynyń qorǵany" tósbelgisi budan bylai "QR Memlekettik kúzet qyzmetiniń qurmetti qyzmetkeri" dep atalady.
