Áliia Nazarbaeva men Konstitýtsiialyq Keńestiń burynǵy basshysy Valentina Rogovaǵa "reiderlik shabýyl jasady" degen aiyp taǵylýda, dep habarlaidy Dalanews.kz.
"2003 jyly (Nazarbaeva – QazTAG) óz ústemdigin paidalana otyryp, quny 170 million dollardy quraityn (2003 jylǵy esep boiynsha) jeti munai bazasy men 96 janarmai quiý beketinen turatyn kásiporyndy qoldy etken. Al burynǵy ielerin "túrmege qamap, dene jaraqatyn salamyn" dep qorqytqan. Tipti tapa tal túste kásip ieleriniń biriniń ákesin ashyq túrde urlap áketken. Bul óziniń yqpalyn kórsetý úshin jasalǵan áreket.
Kýágerlerdiń aitýynsha, adam urlaýǵa quqyq qorǵaý organdarynyń qatysy bolýy múmkin. Qylmysqa sybailas qatysýshy Valentina Rogova bolǵan.
Ol - Qazaqstan Respýblikasy Konstitýtsiialyq Keńesiniń Tóraǵasy, Prezidenttiń kómekshisi, Prezidenttiń keńesshisi jáne basqa da kóptegen memlekettik qyzmetterdi atqarǵan Igor Ivanovich Rogovtyń áieli", - delingen Ulttyq baspasóz klýbynyń habarlamasynda.
Búgin, iaǵni 28 aqpan saǵat 15.00-de Ulttyq baspasóz klýbynda "Áliia Nazarbaevanyń Valentina Rogovamen birigip 170 million dollarlyq biznesti reiderlik jolmen basyp alýy" taqyrybynda baspasóz máslihaty ótedi.
Qatysýshylar:
- Ermurat Bapi – Qazaqstan Respýblikasy Parlamenti Májilisiniń depýtaty;
- Kúrentaev Jarqyn – qoǵam qairatkeri;
- Bimýrzin Nurlan – «TPK Aziia» JShS iesi;
- Qaliev Medǵat – «TPK Aziia» JShS iesi.
