نازاربايەۆاعا جاڭا ايىپ تاعىلدى

قاراكوز امانتاي 28 اقپ. 2024 14:50 14915

ءاليا نازاربايەۆا مەن كونستيتۋسيالىق كەڭەستىڭ بۇرىنعى باسشىسى ۆالەنتينا روگوۆاعا "رەيدەرلىك شابۋىل جاسادى" دەگەن ايىپ تاعىلۋدا، دەپ حابارلايدى Dalanews.kz.

"2003 جىلى (نازاربايەۆا – قازتاگ) ءوز ۇستەمدىگىن پايدالانا وتىرىپ، قۇنى 170 ميلليون دوللاردى قۇرايتىن (2003 جىلعى ەسەپ بويىنشا) جەتى مۇناي بازاسى مەن 96 جانارماي قۇيۋ بەكەتىنەن تۇراتىن كاسىپورىندى قولدى ەتكەن. ال بۇرىنعى يەلەرىن "تۇرمەگە قاماپ، دەنە جاراقاتىن سالامىن" دەپ قورقىتقان. ءتىپتى تاپا تال تۇستە كاسىپ يەلەرىنىڭ ءبىرىنىڭ اكەسىن اشىق تۇردە ۇرلاپ اكەتكەن. بۇل ءوزىنىڭ ىقپالىن كورسەتۋ ءۇشىن جاسالعان ارەكەت.

كۋاگەرلەردىڭ ايتۋىنشا، ادام ۇرلاۋعا قۇقىق قورعاۋ ورگاندارىنىڭ قاتىسى بولۋى مۇمكىن. قىلمىسقا سىبايلاس قاتىسۋشى ۆالەنتينا روگوۆا بولعان.

ول - قازاقستان رەسپۋبليكاسى كونستيتۋسيالىق كەڭەسىنىڭ ءتوراعاسى، پرەزيدەنتتىڭ كومەكشىسى، پرەزيدەنتتىڭ كەڭەسشىسى جانە باسقا دا كوپتەگەن مەملەكەتتىك قىزمەتتەردى اتقارعان يگور يۆانوۆيچ روگوۆتىڭ ايەلى"، - دەلىنگەن ۇلتتىق باسپا ءسوز كلۋبىنىڭ حابارلاماسىندا.

بۇگىن، ياعني 28 اقپان ساعات 15.00-دە ۇلتتىق باسپا ءسوز كلۋبىندا "ءاليا نازاربايەۆانىڭ ۆالەنتينا روگوۆامەن بىرىگىپ 170 ميلليون دوللارلىق بيزنەستى رەيدەرلىك جولمەن باسىپ الۋى" تاقىرىبىندا باسپا ءسوز ءماسليحاتى وتەدى.

قاتىسۋشىلار:

  1. ەرمۇرات باپي – قازاقستان رەسپۋبليكاسى پارلامەنتى ءماجىلىسىنىڭ دەپۋتاتى؛
  2. كۇرەنتايەۆ جارقىن – قوعام قايراتكەرى؛
  3. بيمۋرزين نۇرلان – «تپك ازيا» ج ش س يەسى؛
  4. قالييەۆ مەدعات – «تپك ازيا» ج ش س يەسى.

ۇسىنىلعان
سوڭعى جاڭالىقتار
x