QR parlamenti májilisiniń depýtaty Darıǵa Nursultanqyzy Nazarbaeva mindetterin atqarýdan óz erkimen bosatý týraly ótinish berdi.
"Osyǵan oraı QR Ortalyq saılaý komısıasy nazarlaryńyzǵa QR Konstıtýsıasynyń 52-baby jáne QR Konstıtýsıalyq zańynyń 24-babynyń úshinshi jáne segizinshi tarmaqtaryna sáıkes, QR parlamenti májilisiniń depýtaty Darıǵa Nursultanqyzy Nazarbaevanyń ókilettigin merziminen buryn toqtatý týraly máseleni sheshý úshin usynym engizip otyr", – dedi Ortalyq saılaý komısıasynyń múshesi Aqylbek Smaǵulov.
Darıǵa Nazarbaevanyń ókilettigin toqtatýǵa 99 depýtat daýys berdi, bireýi qalys qalǵan.
Eske salaıyq, Darıǵa Nazarbaeva 25 aqpanda depýtattyq qyzmetin toqtatatynyn habarlaǵan bolatyn. Ol áleýmettik, gýmanıtarlyq, mádenı jáne qaıyrymdylyq sharalarǵa tolyqtaı kóńil bólýdi josparlap otyrǵanyn aıtty.
Endi onyń Májilistegi ornyn jańa depýtat Saıasat Nurbek ıelenedi.
