ق ر پارلامەنتى ءماجىلىسىنىڭ دەپۋتاتى داريعا نۇرسۇلتان قىزى نازاربايەۆا مىندەتتەرىن اتقارۋدان ءوز ەركىمەن بوساتۋ تۋرالى ءوتىنىش بەردى.
"وسىعان وراي ق ر ورتالىق سايلاۋ كوميسسياسى نازارلارىڭىزعا ق ر كونستيتۋسياسىنىڭ 52-بابى جانە ق ر كونستيتۋسيالىق زاڭىنىڭ 24-بابىنىڭ ءۇشىنشى جانە سەگىزىنشى تارماقتارىنا سايكەس، ق ر پارلامەنتى ءماجىلىسىنىڭ دەپۋتاتى داريعا نۇرسۇلتان قىزى نازاربايەۆانىڭ وكىلەتتىگىن مەرزىمىنەن بۇرىن توقتاتۋ تۋرالى ماسەلەنى شەشۋ ءۇشىن ۇسىنىم ەنگىزىپ وتىر"، – دەدى ورتالىق سايلاۋ كوميسسياسىنىڭ مۇشەسى اقىلبەك سماعۇلوۆ.
داريعا نازاربايەۆانىڭ وكىلەتتىگىن توقتاتۋعا 99 دەپۋتات داۋىس بەردى، بىرەۋى قالىس قالعان.
ەسكە سالايىق، داريعا نازاربايەۆا 25 اقپاندا دەپۋتاتتىق قىزمەتىن توقتاتاتىنىن حابارلاعان بولاتىن. ول الەۋمەتتىك، گۋمانيتارلىق، مادەني جانە قايىرىمدىلىق شارالارعا تولىقتاي كوڭىل ءبولۋدى جوسپارلاپ وتىرعانىن ايتتى.
ەندى ونىڭ ماجىلىستەگى ورنىن جاڭا دەپۋتات ساياسات نۇربەك يەلەنەدى.
