Shabdarbaevtyń sózine qaraǵanda Ábishuly halyq "Shal, ket!" dep aitady dep kútpegen, eskertkishin talqandaidy dep oilamaǵan.
"Ol kisi "elim meni jaqsy kóredi, qazaqqa mendei eńbek sińirgen adam joq" degen oida boldy. Al, qazir mynanyń bárin kórip otyryp ókpeli", - deidi UQK-niń burynǵy basshysy.
Suhbatta Qonaev men Nazarbaev ekeýiniń qarym-qatynasy shet qalmady.
"Ekeýiniń arasy jarty jyldyń ishinde arasy sýyp ketti. "Balasy" bilikke kelgen soń ákeni shettetip tastady, kómektesken joq. Teledidardan sóiletpei qoidy. Jasy úlken kisige kóp kerek emes. Keshirimdi bolý kerek edi. Sebebi Dimash Ahmetuly Nazarbaevty balasyndai baǵalady, barlyq jaǵdaiyn jasady. Biraq adam tańdaýdan, adamgershilik jaǵynan qatelesti, – dedi ol.
Esesine eks-prezident izbasar tańdaýda durys sheshim qabyldaǵan.
"Nazarbaevtyń tańdaýy Toqaevqa tústi jáne durys tańdady. Nazarbaev Toqaevtan "men kirpishin qalaǵan júieni qiratpa, maǵan ýáde ber" dep aitty dep oilaimyn. "Meniń baǵdarymnan aýytqyma" dep aitqany anyq. Ana kisi júrgizemin, kónemin dedi. Biraq sózinde turmady. Sebebi, Qańtar oqiǵasy oryn aldy», – dedi Shabdarbaev.
Sonymen qatar eks-general Nazarbaev pen Pýtinniń ekeýiniń qarym-qatynasy jaqsy kezinde "qiyn shaqta bir-birimizge qol ushyn sozamyz" degen ýaǵdasy boldy dep boljaidy.
"Nazarbaev? Ol óz qamyn oilady. Eki balasyn aldyn-ala jiberetin jaqqa jiberdi. Kim biledi?! Dimash Ahmetuly ketken kezde Nursultan Ábishuly ekeýiniń arasy áke men baladai bolǵan. Jarty jyl ishinde arasy sýydy.
"Balasy" bilikke kelgennen keiin Qonaevqa moiyn da burmady. Teledidardan sóiletpedi. Kishkene keshirimdi bolý kerek edi. Kólik ber, bir-eki ret teledidardan sóilete sal, kitabyn shyǵara sal. Ne turady? Ony istemedi. Ózi bireýge qiianat jasaǵannan keiin sol oqiǵa óz basyna ainalyp kelýi múmkin. Qazirgi Prezident ekeýiniń arasy óte jaqsy bolyp, osy ýaqytqa deiin kóterip ákelip turyp, óz ornyna qaldyrdy. Qańtar jasalǵany úshin Qasym-Jomart Kemeluly «nege bulai bolyp ketti» dep ókpeleýi múmkin», – deidi ol.
General-leitenant Nazarbaevtyń áieli Sara Alpysqyzy men Dinmuhamed Qonaevtyń áieli Zýhra Sháripqyzy týraly da sóz qozǵady.
Aitýynsha, Sara Alpysqyzy – tikminezdi, qarapaiym adam. Kúieýine «Halyqtyń qamyn oilamaisyń ba?» degen kezi bolǵan. Biraq saiasi sheshimderine aralaspaǵan. Basqa áielderi paida bolǵan kezde aralary sýyǵan. Al Dimash Ahmetulynyń áieli óte bilimdi bolǵan.
«Ol Qudaiǵa senetin, kishkentai Qurany bolatyn. Daýsyn kóterip sóilegenin baiqamadym. Dimash Ahmetuly ony erkeletetin, ekeýiniń arasynda bala bolmady ǵoi. Sara Alpysqyzy? Nazarbaev onymen sanaspaityn. Ol kisi tiri. Ne qudalarmen de, basqalarymen de aralaspaidy. Aralasatyn jaqyn tanystary joq. Ózi sondai adam. Ózimen-ózi. Unamasa aitady. Sara Alpysqyzy meni keiin jek kórip ketti. Men Rahat Álievke tiistim ǵoi. Dariǵa ekeýi meni Sara Alpysqyzyna qarsy qoidy», – dedieks-general.
Nursultan Nazarbaevtyń ártúrli dini aǵymdarǵa kózqarasy týraly oiy da shet qalmady. Bul rette Shabdarbaev jaýapty nemere inisi Qairat Satybaldynyń qamalǵanynan bastaidy.
"Bekbolat Tileýhandy da aityp jatyr. Olar sol din ishinde solarmen qarym-qatynastary jaqsy bolyp, solarǵa kómektesip, meshitter salyp, sol baǵytta jumys istedi. Nursultan Nazarbaev ta "osyndailardy ustaýymyz kerek, erteń daýys bergende de bizdi tyńdaidy, birdeńe bolyp qalsa, bizge kómektesedi" dep aityp otyratyn. Bul kisi kishkene «joq, bolmaidy» dep tejep tastamady, "kór, qara" dep otyrdy. Qazir Satybaldynyń qamalǵan sebebi, menińshe, Qańtarǵa qatynasy bar. Osynyń qateligi dep oilaimyn. Osylai adamdardy kirgizem dep aitýy da múmkin», – dedi A.Shabdarbaev.
Osy iste Shabdarbaev ishindegi "eń tazasy Samat Ábish" ekenin aitady.
"Anaý joly Samatty jaqtap ta aityp tastadym ǵoi. Ol týraly suraq qoimai-aq ta qoi. Ol Qańtardyń bolaryn bildi. Oǵan buiryq berip edi, Samat kiligip istemedi", – deidi ol.
Amangeldi Shabdarbaevtyń aitýynsha, «Nazarbaevtyń Qairatty da, Samatty da bilikke ákelmes edi».
Suhbatta Aman Tasyǵan «Nazarbaev izbasardy durys tańdady dedińiz, al Kemelulynyń ornyn bolashaqta kim basýy múmkin? Janynda adal adamdar bar ma?» degen saýal qoidy. Oǵan Shabdarbaev «Bul ýaqyt enshisindegi dúnie, áli belgisiz. Biraq Toqaevtyń janyna senimdi adamdar kerek» dep túiindedi.
https://dalanews.kz/saraptama/97683-sauat-myngbaevtyng-omyrtqasyn-syndyrg
