Taıaýda Web of Science (Thomson Reuters) aqparattyq resýrstarynyń derekteri boıynsha jarıalanymdyq belsendiligi jáne dáıeksózdiń joǵary kórsetkishteri úshin Nazarbaev ýnıversıtetiniń Medısına mektebiniń profesory Denıs Býlanın jáne National Laboratory Astana (NLA), Translásıalyq medısına jáne ómir týraly ǵylymdar tehnologıalar zerthanasynyń meńgerýshisi Tımýr Salıev,  Flýoresenttik ádister zerthanasynyń zertteýshi Aınýr Kakpenova jáne Bıosensorlar bıoquraldar zerthanasynyń zertteýshisi Eldar Baıken «Leader of Science-2017» («Ǵylym kóshbasshysy-2017») táýelsiz marapatynyń ıegerleri atandy.

Bul «Ulttyq memlekettik ǵylymı-tehnıkalyq saraptama ortalyǵy» AQ-y men «Clarivate Analitycs» kompanıasy birlesip, jeńimpazdardy marapattaý rásiminde belgili boldy.

Jyl saıyn beriletin dástúrli syılyqqa Web of Science Core Collection resýrsynda 2014-2016 jyldary ǵylymı maqalalar jarıalap, joǵary siltemelik kórsetkishke ıe bolǵan otandyq ǵalymdar qol jetkizdi. Shara barysynda «UMǴTSO» AQ prezıdenti Ádil Ybyraev:

– Búginde ǵalamdyq zamanaýı damý úrdisi jahandaný men yntymaqtastyqqa negizdelgenin bárimiz bilemiz. Memleket basshysy Nursultan Nazarbaev osydan alty jyl buryn otandyq ǵylymdy damytý úshin dúnıejúzindegi bedeldiń ǵylymı málimetter qoryna qoljetimdilikti arttyrýdyń mańyzyn aıtqan edi. Qazir bul baǵytta atqarylǵan jumystar oń nátıjesin berip, Qazaqstan ǵylymy álemdik ǵylymı qoǵamdastyqpen tereń yntamaqtastyq ornatýyna yqpal etti. Ǵalamdyq mańyzy joǵary sondaı málimetter qorynyń biri – Clarivate Analytics kompanıasy. Atalmysh ǵylymı málemetter qorynyń saraptamalyq, ǵylymı qyzmettiń negizgi ındıkatorlaryn jáne ǵylym salasyndaǵy álemdik úrdisterdi anyqtaýda mańyzdy rol atqarady. Búginde «UMǴTSO» Clarivate Analytics kompanıasy dástúrli «Ǵylym lıderi – 2017» uıymdastyrýy ǵylym salasyndaǵy yntymaqtastyqtyń jemisi dep esepteımin. Ǵylymı maqalalary joǵary siltemege ıe bolyp, elimizdiń otandyq ǵylymnyń órge basýyna eńbek sińirgen ǵalymdardy shyn júrekten quttyqtaımyn! – dedi.

Jyl saıyn uıymdastyrylatyn «Ǵylym lıderi – 2017» syılyǵy eki atalym boıynsha beriletinin esterińizge salamyz. Olar – «Qazaqstandaǵy úzdik ǵylymı basylym» jáne «Sheteldiń avtorlarynsyz ǵylymı maqala jarıalap, joǵary siltemege ıe bolǵan qazaqstandyq ǵalym» bolyp jikteldi. Birinshi atalym boıynsha Emerging Sources Citation Index (Clarivate Analytics) ındeksine ıe bolǵan qazaqstandyq ǵylymı jýrnaldar marapattalady. Al «Sheteldiń avtorlarynsyz ǵylymı maqala jarıalap, joǵary siltemege ıe bolǵan qazaqstandyq ǵalym» atalymy boıynsha fızıka, tehnıka, medısına, bıologıa jáne agrarly ǵylym salasynda eńbek etip júrgen ǵalymdar marapattalatyn bolady.

Esterińizge sala ketemiz, 2015-2016 jyldary NLA-ortalyǵynyń belgili ǵalymdary Jumabaı Bákenov, Almagúl Mentbaeva jáne basqalary ózderiniń ǵylymı eńbekteri úshin «Thomson Reuters» kompanıasynyń derekteri boıynsha  «Leader of Science» marapatynyń ıegerleri atanǵanyń esterińizge sala keteıik.