بۇل «ۇلتتىق مەملەكەتتىك عىلىمي-تەحنيكالىق ساراپتاما ورتالىعى» اق-ى مەن «Clarivate Analitycs» كومپانياسى بىرلەسىپ، جەڭىمپازداردى ماراپاتتاۋ راسىمىندە بەلگىلى بولدى.
جىل سايىن بەرىلەتىن ءداستۇرلى سىيلىققا Web of Science Core Collection رەسۋرسىندا 2014-2016 جىلدارى عىلىمي ماقالالار جاريالاپ، جوعارى سىلتەمەلىك كورسەتكىشكە يە بولعان وتاندىق عالىمدار قول جەتكىزدى. شارا بارىسىندا «ۇمعتسو» اق پرەزيدەنتى ءادىل ىبىرايەۆ:
– بۇگىندە عالامدىق زاماناۋي دامۋ ءۇردىسى جاھاندانۋ مەن ىنتىماقتاستىققا نەگىزدەلگەنىن ءبارىمىز بىلەمىز. مەملەكەت باسشىسى نۇرسۇلتان نازاربايەۆ وسىدان التى جىل بۇرىن وتاندىق عىلىمدى دامىتۋ ءۇشىن دۇنيەجۇزىندەگى بەدەلدىڭ عىلىمي مالىمەتتەر قورىنا قولجەتىمدىلىكتى ارتتىرۋدىڭ ماڭىزىن ايتقان ەدى. ءقازىر بۇل باعىتتا اتقارىلعان جۇمىستار وڭ ناتيجەسىن بەرىپ، قازاقستان عىلىمى الەمدىك عىلىمي قوعامداستىقپەن تەرەڭ ىنتاماقتاستىق ورناتۋىنا ىقپال ەتتى. عالامدىق ماڭىزى جوعارى سونداي مالىمەتتەر قورىنىڭ ءبىرى – Clarivate Analytics كومپانياسى. اتالمىش عىلىمي مالەمەتتەر قورىنىڭ ساراپتامالىق، عىلىمي قىزمەتتىڭ نەگىزگى ينديكاتورلارىن جانە عىلىم سالاسىنداعى الەمدىك ۇردىستەردى انىقتاۋدا ماڭىزدى رول اتقارادى. بۇگىندە «ۇمعتسو» Clarivate Analytics كومپانياسى ءداستۇرلى «عىلىم ليدەرى – 2017» ۇيىمداستىرۋى عىلىم سالاسىنداعى ىنتىماقتاستىقتىڭ جەمىسى دەپ ەسەپتەيمىن. عىلىمي ماقالالارى جوعارى سىلتەمەگە يە بولىپ، ەلىمىزدىڭ وتاندىق عىلىمنىڭ ورگە باسۋىنا ەڭبەك سىڭىرگەن عالىمداردى شىن جۇرەكتەن قۇتتىقتايمىن! – دەدى.
جىل سايىن ۇيىمداستىرىلاتىن «عىلىم ليدەرى – 2017» سىيلىعى ەكى اتالىم بويىنشا بەرىلەتىنىن ەستەرىڭىزگە سالامىز. ولار – «قازاقستانداعى ۇزدىك عىلىمي باسىلىم» جانە «شەتەلدىڭ اۆتورلارىنسىز عىلىمي ماقالا جاريالاپ، جوعارى سىلتەمەگە يە بولعان قازاقستاندىق عالىم» بولىپ جىكتەلدى. ءبىرىنشى اتالىم بويىنشا Emerging Sources Citation Index (Clarivate Analytics) يندەكسىنە يە بولعان قازاقستاندىق عىلىمي جۋرنالدار ماراپاتتالادى. ال «شەتەلدىڭ اۆتورلارىنسىز عىلىمي ماقالا جاريالاپ، جوعارى سىلتەمەگە يە بولعان قازاقستاندىق عالىم» اتالىمى بويىنشا فيزيكا، تەحنيكا، مەديسينا، بيولوگيا جانە اگرارلى عىلىم سالاسىندا ەڭبەك ەتىپ جۇرگەن عالىمدار ماراپاتتالاتىن بولادى.
ەستەرىڭىزگە سالا كەتەمىز، 2015-2016 جىلدارى NLA-ورتالىعىنىڭ بەلگىلى عالىمدارى جۇماباي باكەنوۆ، الماگۇل مەنتبايەۆا جانە باسقالارى وزدەرىنىڭ عىلىمي ەڭبەكتەرى ءۇشىن «Thomson Reuters» كومپانياسىنىڭ دەرەكتەرى بويىنشا «Leader of Science» ماراپاتىنىڭ يەگەرلەرى اتانعانىڭ ەستەرىڭىزگە سالا كەتەيىك.
