Ǵylym jáne joǵary bilim ministri Saiasat Nurbek Nazarbaev Ýniversitetinde aqsha jymqyrylǵany týraly aqparatqa qatysty pikir bildirdi, dep habarlaidy Dalanews.kz.
Saiasat Nurbektiń aitýynsha, ýniversitettiń eks-rektory Shigeo Katsýdyń 14 milliard teńgeni jymqyrdy degen aiyptaýlary shyndyqqa janaspaidy. Bul jóninde ótken jyly kúrdeli tekserý júrgizilgen.
"Nátijeleri boiynsha jeke úlken jospar qabyldandy. Qazir bul jaǵdai baqylaýda. Men Katsý myrzanyń málimdemesine tolyqtai sáikes kelmeitinin aita alamyn", – dedi Saiasat Nurbek.
Ol Shigeo Katsýdyń ministrlikke habarlaspaǵanyn aitty.
"Mundai aqparattar negizinen kúmándi eýropalyq derekkózderde jariialanǵan. Muny birde-bir abyroily basylym jariialamaǵany da suraq týǵyzady. Aýdit boldy, biz onyń nátijelerimen jumys istep jatyrmyz. Úlken bedelge qaýip tónbeidi dep senemin, óitkeni bul málimdemelerdiń qai derekkózge jáne platformaǵa jariialanǵany óz aldyna kúmándi", - dedi ministr.
