15 tamyz kúni Nazarbaev Ýnıversıteti aýmaǵynan 22 jastaǵy qyzdyń máıiti tabyldy, dep habarlaıdy Dalanews.kz Kopsoz telegram arnasyna silteme jasap.
Polısıanyń málimetinshe, ol jataqhananyń 12-qabatynan qulaǵan.
Qylmystyq is qozǵalyp, oqıǵanyń mán-jaıy anyqtalyp jatyr.
Eki aı buryn osy oqý ornynda taǵy bir stýdent qyzdyń máıiti tabylǵan edi.
Ol kezde sebep retinde oqýdaǵy qıyndyqtar aıtylǵan.
Eske salaıyq, buǵan deıin 30 shildede Almatydaǵy ál-Farabı atyndaǵy Qazaq ulttyq ýnıversıtetiniń rektorat ǵımaratynda qaıǵyly jaǵdaı bolǵan edi. Birinshi kýrs stýdenti 14-qabattan qulap, qaza tapty.
Almaty qalalyq polısıa departamentiniń baspasóz qyzmetiniń habarlaýynsha, bul derek boıynsha Bostandyq aýdany polısıa basqarmasy qylmystyq is qozǵady.
