– Jýrnalist Mihail Kozachkovty tanymaimyn, biraq onyń kópten beri bizdiń júieniń jaralaryn tyrnap, betin ashyp júrgenin bilemin. Sol jýrnalist kenetten ustalǵan bolsa, suraq týyndaidy, «Bul kimge tiimdi?» degen.
Jyl basynda Qasym-Jomart Toqaev Qazaqstan bailyǵynyń jartysyna ielik etetin 162 adam týraly aitty. Sodan beri bir jylǵa jýyq ýaqyt ótti, bul tizim boiynsha «túgendelgen» eshkim joq. Ásirese arasynda reiderlikpen aiyptalǵandary bar tuńǵysh prezidenttiń otbasy múshelerinen esh suraý bolǵan joq. Nege?
Esesine tap bir úkimi shyǵyp qoiǵandai, «reiderlikpen ainalysty» degen aiypty jýrnalistke taqty. «Jańa Qazaqstannyń» eski ádisterin eske túsiretin óte birtúrli qylyq boldy bul.
Kez-kelgen aiypty taǵý úshin aldymen adam quqyǵyn saqtap, ádil, ashyq tergeý júrgizý kerek. Al sottar sheshim shyǵarǵanda joǵarydan túsken tapsyrmaǵa emes, zań men faktilerge ǵana júginýi tiis", deidi Sátpaev.
Aita ketelik, 18 jeltoqsanda Qarjy manitoriń agenttegi jýrnalist Mihail Kozachkovty ustady. Onyń advokaty jýrnalisti 48 saǵatqa ýaqytsha ustaý izoliatoryna qamaǵanyn aitty.
Jýrnalist Mihail Kozachkov «Eldos Qospaevtyń uiymdasqan qylmystyq tobynyń reiderlik basyp alý qylmystyq isine qatysy bar» degen kúdikke ilingen.
Agenttiktiń habarlaýynsha, Kozachkov Qospaevqa basyp alý alý qurbandaryna aqparattyq shabýyl jasaýǵa kómektesken. Oǵan qosa ol buryn quqyq qorǵaý organynda jumys istegen dosy Burhan Janseiitovti iske tartqan: ol kompramat aqparat jinaýmen ainalysqan. Ekeýi qyzmeti úshin uiymdasqan qylmystyq toptan 52 million teńge alǵan.
Sonymen qatar Kozachkov «Buqaralyq aqparat quraldary týraly» zańdy buzǵany úshin jáne kórineý jalǵan aqparatty, banktik, otbasylyq jáne zańmen qorǵalatyn basqa da qupiia derekterdi taratqany úshin aiyptalǵan.
Qazir jýrnalist ýaqytsha ustaý izoliatorynda qamaýda.
Jýrnalist Vadim Boreiko Facebook-tegi paraqshasyndaǵy aqparatqa súiensek, jýrnalistiń úiinde tintý júrgizilgen. Alaida qaýipsizdik kúshteri onyń advokatyn páterine kirgizbei qoiǵan.
Syrt kóz ne deidi?
«Ádil sóz» sóz bostandyǵyn qorǵaý halyqaralyq qory Kozachkovtyń isine qatysty alańdaýshylyq bildirip otyr. Olardyń aitýynsha, jýrnalistiń isindegi protsessýal normalar saqtalmai jatyr. Oǵan qosa Qarjy monitoriń agenttiginiń atalmysh is týraly press-relizi kinásizdik prezýmptsiiasyn buzady.
Al ekonomist Rasýl Rysmambetov Kozachkovty tutqyndaýdyń basqa sebepteri bolýy múmkin ekenin alǵa tartty.
"Mihail Kozachkovtyń bizdiń quqyq qorǵaý organdarynyń kúrdeli etikalyq máseleleri týraly materialdar jariialai bastaǵan kezinde onyń diskreditatsiiasy ýaqytsha ekenin túsindim: «Jaǵdaidy retteýden góri ádil syn aitqan adamnyń aýzyn jabý ońaiyraq» — bul únemi memlekettik qurylymdardyń amaly boldy", – deidi Rysmambetov.
«Strategiia» áleýmettik-saiasi zertteýler ortalyǵynyń prezidenti Gúlmira Ileýova jýrnalistiń isine qatysty ashyq ári jiti tergeý júrgizilýi kerek ekenin aitady.
"Olar jeksenbi keshke qamaýǵa alypty. Eshkim baiqamai qalady dep oilady ma? Ol kóptegen adam týraly jaǵymsyz aqparat jazdy, biraq biz bildik. Memlekettik organdardan bireý jýrnalistpen esep aiyrysatyn bolsa, bul minez-qulyqtyń adekvat nusqasy dep oilamaimyn. Onyń ústine qazir barlyq qozǵalys jurtshylyqtyń jiti nazarynda jáne bolady da. Ashyq ári obektivti tergeý júrgiziledi dep úmittenemin", – dedi ol.
https://dalainside.kz/12/manyzdy/19/2022/796/
