Eks-prezident Nursultan Nazarbaevtyń týystarynyń, májilistiń burynǵy spikeri Nurlan Nyǵmatýlinniń jáne “Eski Qazaqstannyń” birneshe ókiliniń Dýbaida qymbat jyljymaityn múlik túrindegi kóptegen aktivi bar ekeni anyqtaldy, dep habarlaidy Dalanews.kz.
Vlast portalynyń málimetinshe, burynǵy prezident Nursultan Nazarbaevtyń jubaiy, “Astana Balet” teatrynyń art-jetekshisi Ásel Qurmanbaevanyń Dýbaidan quny 270 myń dollardan asatyn páteri anyqtalǵan. Qurmanbaeva 2000-jyldary "offshorlyq kompaniialar arqyly Nazarbaevtyń jaqyn adamdarynan 30 million dollar alǵany" belgili boldy.
Al Májilistiń eks-spikeri Nyǵmatýlinniń áieli Venera Baimyrzaevadan ondaǵan jyljymaityn múlik anyqtaldy.
Derekkózde mamandyǵy kásipker dep kórsetilgen Venera Baimýrzaevanyń atyna Dýbaida jalpy quny 4,3 million dollardan asatyn 50-den astam jyljymaityn múlik tirkelgen.
Odan bólek, Ortalyq sailaý komissiiasynyń burynǵy basshysy Berik Imashevtyń uly Áljan Imashevtyń Dýbaidaǵy Nazarbaevtyń ekinshi áieli qonystanǵan jasandy aral aýmaǵynda quny 1 million dollardan asatyn páteri bolǵan. Aita keteiik, quny shamamen 210 myń dollar turatyn páter Ortalyq sailaý komissiiasynyń burynǵy basshysy qyzmetin atqarǵan Imashevtyń áieli Leila Aidarbekovadan da anyqtalǵan.
Bul tizimdi bedeldi qyzmet atqarǵan taǵy birneshe sheneýnik tolyqtyrady.
Almaty oblysynyń burynǵy ákimi Amandyq Batalovtyń áieli Baǵdat Batalova - Dýbaidaǵy elitalyq turǵyn úi kesheninen quny shamamen 210 myń dollar turatyn eki bólmeli páterdiń iesi. Isti bolǵan burynǵy qorǵanys vitse-ministri Baǵdat Maikeevtiń Dýbaida quny 500 myń dollardan asatyn páteri bar.
Burynǵy Ishki ister ministri Qalmuhanbet Qasymovanyń áieli Dina Qasymovanyń da esimi anyqtaldy. Onyń quny 400 myń dollardan asatyn bir bólmeli páteri bolsa, “QazMunaiGaz” UK” AQ burynǵy basshysy Alik Aidarbaevtyń aǵasy Erjan Aidarbaev jalpy quny 570 myń dollardan asatyn eki bólmeli páterdiń úsheýin iemdengen.
Al sottalyp, túrmede jazasyn ótegen Nazarbaevtyń nemere inisi Qairat Satybaldynyń Dýbaida quny 2,2 million dollardan asatyn bes páteri bar ekeni belgili boldy.
Eks-prezidenttiń qyzy Dariǵa Nazarbaevanyń kúieýiniń týystary da birneshe múlik ielengen. Qairat Sháripbaevtyń qyzy Qorlan Sháripbaevanyń atynda Dýbaida shamamen 250 myń dollar turatyn páter bar.
Qańtar oqiǵasy boiynsha tergelip jatqan Ishki ister ministrliginiń burynǵy basshysy Erlan Turǵymbaevtyń uly Marlen Turǵymbaevqa quny 347 myń dollar turatyn páter tiesili bolsa, Shyǵys Qazaqstan oblysynyń eks-ákimi Danial Ahmetovtyń uly Talǵat Ahmetovtyń atynda shamamen 1,6 million dollar turatyn villa bar.
Al Túrkistan oblysynyń eks-ákimi Ómirzaq Shókeevtiń aǵasy Serik Estai men jubaiy Aijan Asanovanyń atynda jalpy quny 1,7 million dollarǵa jýyq 8 páter bar ekeni belgili boldy.
Odan bólek, quqyq qorǵaý organdarynyń burynǵy joǵary laýazymdy qyzmetkeri Sergei Kýzmenkonyń atynda da múlik bar ekeni anyqtaldy. Kýzmenkonyń Dýbaida quny 348 myń dollar bolatyn eki bólmeli páteri bar bolyp shyqty.
