ەكس-پرەزيدەنت نۇرسۇلتان نازارباەۆتىڭ تۋىستارىنىڭ, مەجٸلٸستٸڭ بۇرىنعى سپيكەرٸ نۇرلان نىعماتۋليننٸڭ جەنە “ەسكٸ قازاقستاننىڭ” بٸرنەشە ٶكٸلٸنٸڭ دۋبايدا قىمبات جىلجىمايتىن مٷلٸك تٷرٸندەگٸ كٶپتەگەن اكتيۆٸ بار ەكەنٸ انىقتالدى, دەپ حابارلايدى Dalanews.kz.
ۆلاست پورتالىنىڭ مەلٸمەتٸنشە, بۇرىنعى پرەزيدەنت نۇرسۇلتان نازارباەۆتىڭ جۇبايى, “استانا بالەت” تەاترىنىڭ ارت-جەتەكشٸسٸ ەسەل قۇرمانباەۆانىڭ دۋبايدان قۇنى 270 مىڭ دوللاردان اساتىن پەتەرٸ انىقتالعان. قۇرمانباەۆا 2000-جىلدارى "وففشورلىق كومپانييالار ارقىلى نازارباەۆتىڭ جاقىن ادامدارىنان 30 ميلليون دوللار العانى" بەلگٸلٸ بولدى.
ال مەجٸلٸستٸڭ ەكس-سپيكەرٸ نىعماتۋليننٸڭ ەيەلٸ ۆەنەرا بايمىرزاەۆادان ونداعان جىلجىمايتىن مٷلٸك انىقتالدى.
دەرەككٶزدە ماماندىعى كەسٸپكەر دەپ كٶرسەتٸلگەن ۆەنەرا بايمۋرزاەۆانىڭ اتىنا دۋبايدا جالپى قۇنى 4,3 ميلليون دوللاردان اساتىن 50-دەن استام جىلجىمايتىن مٷلٸك تٸركەلگەن.
ودان بٶلەك, ورتالىق سايلاۋ كوميسسيياسىنىڭ بۇرىنعى باسشىسى بەرٸك يماشەۆتىڭ ۇلى ەلجان يماشەۆتىڭ دۋبايداعى نازارباەۆتىڭ ەكٸنشٸ ەيەلٸ قونىستانعان جاساندى ارال اۋماعىندا قۇنى 1 ميلليون دوللاردان اساتىن پەتەرٸ بولعان. ايتا كەتەيٸك, قۇنى شامامەن 210 مىڭ دوللار تۇراتىن پەتەر ورتالىق سايلاۋ كوميسسيياسىنىڭ بۇرىنعى باسشىسى قىزمەتٸن اتقارعان يماشەۆتىڭ ەيەلٸ لەيلا ايداربەكوۆادان دا انىقتالعان.
بۇل تٸزٸمدٸ بەدەلدٸ قىزمەت اتقارعان تاعى بٸرنەشە شەنەۋنٸك تولىقتىرادى.
الماتى وبلىسىنىڭ بۇرىنعى ەكٸمٸ اماندىق باتالوۆتىڭ ەيەلٸ باعدات باتالوۆا - دۋبايداعى ەليتالىق تۇرعىن ٷي كەشەنٸنەن قۇنى شامامەن 210 مىڭ دوللار تۇراتىن ەكٸ بٶلمەلٸ پەتەردٸڭ يەسٸ. ٸستٸ بولعان بۇرىنعى قورعانىس ۆيتسە-مينيسترٸ باعدات مايكەەۆتٸڭ دۋبايدا قۇنى 500 مىڭ دوللاردان اساتىن پەتەرٸ بار.
بۇرىنعى ٸشكٸ ٸستەر مينيسترٸ قالمۇحانبەت قاسىموۆانىڭ ەيەلٸ دينا قاسىموۆانىڭ دا ەسٸمٸ انىقتالدى. ونىڭ قۇنى 400 مىڭ دوللاردان اساتىن بٸر بٶلمەلٸ پەتەرٸ بولسا, “قازمۇنايگاز” ۇك” اق بۇرىنعى باسشىسى اليك ايدارباەۆتىڭ اعاسى ەرجان ايدارباەۆ جالپى قۇنى 570 مىڭ دوللاردان اساتىن ەكٸ بٶلمەلٸ پەتەردٸڭ ٷشەۋٸن يەمدەنگەن.
ال سوتتالىپ, تٷرمەدە جازاسىن ٶتەگەن نازارباەۆتىڭ نەمەرە ٸنٸسٸ قايرات ساتىبالدىنىڭ دۋبايدا قۇنى 2,2 ميلليون دوللاردان اساتىن بەس پەتەرٸ بار ەكەنٸ بەلگٸلٸ بولدى.
ەكس-پرەزيدەنتتٸڭ قىزى داريعا نازارباەۆانىڭ كٷيەۋٸنٸڭ تۋىستارى دا بٸرنەشە مٷلٸك يەلەنگەن. قايرات شەرٸپباەۆتىڭ قىزى قورلان شەرٸپباەۆانىڭ اتىندا دۋبايدا شامامەن 250 مىڭ دوللار تۇراتىن پەتەر بار.
قاڭتار وقيعاسى بويىنشا تەرگەلٸپ جاتقان ٸشكٸ ٸستەر مينيسترلٸگٸنٸڭ بۇرىنعى باسشىسى ەرلان تۇرعىمباەۆتىڭ ۇلى مارلەن تۇرعىمباەۆقا قۇنى 347 مىڭ دوللار تۇراتىن پەتەر تيەسٸلٸ بولسا, شىعىس قازاقستان وبلىسىنىڭ ەكس-ەكٸمٸ دانيال احمەتوۆتىڭ ۇلى تالعات احمەتوۆتىڭ اتىندا شامامەن 1,6 ميلليون دوللار تۇراتىن ۆيللا بار.
ال تٷركٸستان وبلىسىنىڭ ەكس-ەكٸمٸ ٶمٸرزاق شٶكەەۆتٸڭ اعاسى سەرٸك ەستاي مەن جۇبايى ايجان اسانوۆانىڭ اتىندا جالپى قۇنى 1,7 ميلليون دوللارعا جۋىق 8 پەتەر بار ەكەنٸ بەلگٸلٸ بولدى.
ودان بٶلەك, قۇقىق قورعاۋ ورگاندارىنىڭ بۇرىنعى جوعارى لاۋازىمدى قىزمەتكەرٸ سەرگەي كۋزمەنكونىڭ اتىندا دا مٷلٸك بار ەكەنٸ انىقتالدى. كۋزمەنكونىڭ دۋبايدا قۇنى 348 مىڭ دوللار بولاتىن ەكٸ بٶلمەلٸ پەتەرٸ بار بولىپ شىقتى.
