Joǵary aýditorlyq palata Nazarbaev ziiatkerlik mektepterine bólinetin biýdjettiń tiimdiligin teksergen. Alaida aýdit qorytyndysy áli jariialanbady, - dep habarlaidy Dalanews.kz.
ulysmedia.kz málimetinshe, 2024 jyly ekinshi toqsanda Joǵary aýditorlyq palata kólik, salyqtyq jáne kedendik ákimshilendirý salalarynda, respýblikalyq biýdjettiń eseptiligi bóliginde, sondai-aq, bilim berý men densaýlyq saqtaýdyń jekelegen máseleleri boiynsha aýditorlyq is-sharalardy aiaqtaǵan.
"Joǵarǵy aýditorlyq palata 2019-2023 jyldary "Nazarbaev ziiatkerlik mektepteri" derbes bilim berý uiymyna bólingen biýdjet qarajatynyń paidalanylý tiimdiligine aýdit júrgizýdi aiaqtap jatyr. Aýdit barysynda NZM-niń respýblikanyń orta bilim berý júiesin damytýǵa áseri taldandy", – dep jazylǵan basylym málimetinde.
Aita keteiik, buǵan deiin "Nazarbaev ziiatkerlik mektepteri" DBBU basqarma tóraǵasy Ánýar Janǵozin Nazarbaev mektepterine nelikten kóp aqsha bólinetinin aitty.
24.kz-ke bergen suhbatynda Janǵozin munyń sebebin de túsindiridi. Telearna júrgizýshisiniń aitýynsha, 2022 jyly 20 milliardqa jýyq aqsha bólingen.
"Qarjylandyrý boiynsha birnárseni túsinýimiz kerek. Qazir bizde qarjylandyrý eki baǵyt boiynsha júrgiziledi. Birinshi baǵyt - mektepterge, oqýshyǵa bólinetin grant. Osy granttarda mektepterde jumys isteitin muǵalimderdiń jáne basqa qyzmetkerlerdiń jalaqysy, balalardyń tamaqtanýy, kommýnaldyq shyǵyndar jáne bilim berý protsesine qajet quraldar satyp alý úshin qarajat qarastyrylǵan", - dedi Janǵozin.
Janǵozin bul qarjyny azaitýdyń da, kóbeitýdiń de qajeti joq degen pikirde. Sonymen qatar, basqa mekteptermen salystyrmaý kerek ekenin jetkizdi.
"Bizde baǵdarlama bólek. Oqýshylarymyz tańnan keshke deiin sabaqtarda, sabaqtardan tys úiirmeler, qosymshalar. Osy barlyq faktordy eskerip, artyq aqsha almaimyz. Osy jumsaǵan aqsha joǵary halyqaralyq deńgeige jetýgk múmkindik berip otyr. Sony biz dáleldep otyrmyz", - dedi ol.
