جوعارى اۋديتورلىق پالاتا نازاربايەۆ زياتكەرلىك مەكتەپتەرىنە بولىنەتىن بيۋدجەتتىڭ تيىمدىلىگىن تەكسەرگەن. الايدا اۋديت قورىتىندىسى ءالى جاريالانبادى، - دەپ حابارلايدى Dalanews.kz.
ulysmedia.kz مالىمەتىنشە، 2024 جىلى ەكىنشى توقساندا جوعارى اۋديتورلىق پالاتا كولىك، سالىقتىق جانە كەدەندىك اكىمشىلەندىرۋ سالالارىندا، رەسپۋبليكالىق بيۋدجەتتىڭ ەسەپتىلىگى بولىگىندە، سونداي-اق، ءبىلىم بەرۋ مەن دەنساۋلىق ساقتاۋدىڭ جەكەلەگەن ماسەلەلەرى بويىنشا اۋديتورلىق ءىس-شارالاردى اياقتاعان.
"جوعارعى اۋديتورلىق پالاتا 2019-2023 جىلدارى "نازاربايەۆ زياتكەرلىك مەكتەپتەرى" دەربەس ءبىلىم بەرۋ ۇيىمىنا بولىنگەن بيۋدجەت قاراجاتىنىڭ پايدالانىلۋ تيىمدىلىگىنە اۋديت جۇرگىزۋدى اياقتاپ جاتىر. اۋديت بارىسىندا ءنزم-نىڭ رەسپۋبليكانىڭ ورتا ءبىلىم بەرۋ جۇيەسىن دامىتۋعا اسەرى تالداندى"، – دەپ جازىلعان باسىلىم مالىمەتىندە.
ايتا كەتەيىك، بۇعان دەيىن "نازاربايەۆ زياتكەرلىك مەكتەپتەرى" دببۇ باسقارما ءتوراعاسى ءانۋار جانعوزين نازاربايەۆ مەكتەپتەرىنە نەلىكتەن كوپ اقشا بولىنەتىنىن ايتتى.
24.kz-كە بەرگەن سۇحباتىندا جانعوزين مۇنىڭ سەبەبىن دە ءتۇسىندىرىدى. تەلەارنا جۇرگىزۋشىسىنىڭ ايتۋىنشا، 2022 جىلى 20 ميللياردقا جۋىق اقشا بولىنگەن.
"قارجىلاندىرۋ بويىنشا بىرنارسەنى ءتۇسىنۋىمىز كەرەك. ءقازىر بىزدە قارجىلاندىرۋ ەكى باعىت بويىنشا جۇرگىزىلەدى. ءبىرىنشى باعىت - مەكتەپتەرگە، وقۋشىعا بولىنەتىن گرانت. وسى گرانتتاردا مەكتەپتەردە جۇمىس ىستەيتىن مۇعالىمدەردىڭ جانە باسقا قىزمەتكەرلەردىڭ جالاقىسى، بالالاردىڭ تاماقتانۋى، كوممۋنالدىق شىعىندار جانە ءبىلىم بەرۋ پروسەسىنە قاجەت قۇرالدار ساتىپ الۋ ءۇشىن قاراجات قاراستىرىلعان"، - دەدى جانعوزين.
جانعوزين بۇل قارجىنى ازايتۋدىڭ دا، كوبەيتۋدىڭ دە قاجەتى جوق دەگەن پىكىردە. سونىمەن قاتار، باسقا مەكتەپتەرمەن سالىستىرماۋ كەرەك ەكەنىن جەتكىزدى.
"بىزدە باعدارلاما بولەك. وقۋشىلارىمىز تاڭنان كەشكە دەيىن ساباقتاردا، ساباقتاردان تىس ۇيىرمەلەر، قوسىمشالار. وسى بارلىق فاكتوردى ەسكەرىپ، ارتىق اقشا المايمىز. وسى جۇمساعان اقشا جوعارى حالىقارالىق دەڭگەيگە جەتۋگك مۇمكىندىك بەرىپ وتىر. سونى ءبىز دالەلدەپ وتىرمىز"، - دەدى ول.
