"Bul kúnderi maǵan kóptegen azamattarymyzdan hattar kelip túsip jatyr. Olar úshin meniń prezidenttik ókilettigimdi toqtatý týraly sheshimim kútpegen oqiǵa bolǵan. Keibiri qapalanyp, tipti menen aldaǵy sailaýǵa túsýimdi ótingen hattar da túsip jatyr", - dedi Nazarbaev Nur Otan partiiasynyń kezekten tys XIX sezinde.
Elbasy ózine hat jazǵan barsha azamatqa rizashylyǵyn bildirip, olardyń ýaiymyn túsinetinin aitty.
"Adamdar turaqtylyq pen teńdiktiń saqtalǵanyn qalaidy. Qazaqstandyqtarǵa maǵan kórsetken qurmeti men mahabbaty úshin alǵys aitqym keledi. Olardyń qorqynyshyn túsinemin, men bul sheshimdi ábden oilanyp-tolǵanyp qabyldadym", - dedi Nazarbaev.
Elbasy Qasym-Jomart Toqaevtyń laiyqty kandidat ekenin atap ótip, otandastardy biraýyzdan qoldaýǵa shaqyrdy.
Aita ketsek, búgin Nur Otan partiiasynyń kezekten tys XIX sezinde partiia tóraǵasy Nursultan Nazarbaev partiia atynan aldaǵy prezident sailaýyna Qasym-Jomart Toqaevtyń kandidatýrasyn usyndy.
Derekkóz: Sputnik
