Qazaqstan prezıdenti Nursultan Nazarbaev qazirgi zamanǵy "sándi" termınderdi sol qalpy qoldanbaı, barynsha túsinikti etip aýdarýdy usyndy.
Biz qazir jańa termınderdi meńgerip jatyrmyz. Máselen, kovorkıng-ortalyqtar qurylyp jatyr, qazaqtarǵa múlde túsiniksiz sóz osy. Mindetti túrde osylaı aıtý qajet pe? "Ko" – birlesken, "vorkıng" – jumys. "Birlesken jumys" dep nege aıtpaısyńdar?
Barlyǵy mindetti túrde "sándi", ádemi bolýy kerek, ásirese jastar áýes osyǵan.
Biraq bizdiń jasaǵan dúnıemizdiń barlyǵy halyqqa túsinikti bolýy kerek", — dedi Nazarbaev "Nur Otan" partıasynyń saıası keńesiniń keńeıtilgen otyrysynda.
Ol óńirlerge jasaǵan sapary kezinde, Almaty men Oraldaǵy kovorkıng-ortalyqtardyń jumysymen tanysqanyn atap ótti.
"Bul jumystyń ashyqtyǵy – barlyǵy bir jerge jınalyp, oqıdy, birlesip İT ónim shyǵarady", — dedi prezıdent.
Astanada "Nur Otan" partıasynyń saıası keńesiniń keńeıtilgen otyrysy ótip jatyr. Otyrysta memleket basshysynyń 2017 jyldyń 3 qarashasynda partıa saıası keńesiniń otyrysynda bergen tapsyrmalaryn iske asyrý barysy jáne prezıdenttiń bes áleýmettik bastamasynyń iske asyrylýyn qadaǵalaıtyn qoǵamdyq baqylaýdy uıymdastyrý máseleleri qaralady.
Derekkóz: sputniknews.kz
