قازاقستان پرەزيدەنتى نۇرسۇلتان نازاربايەۆ قازىرگى زامانعى "ءساندى" تەرميندەردى سول قالپى قولدانباي، بارىنشا تۇسىنىكتى ەتىپ اۋدارۋدى ۇسىندى.
ءبىز ءقازىر جاڭا تەرميندەردى مەڭگەرىپ جاتىرمىز. ماسەلەن، كوۆوركينگ-ورتالىقتار قۇرىلىپ جاتىر، قازاقتارعا مۇلدە تۇسىنىكسىز ءسوز وسى. مىندەتتى تۇردە وسىلاي ايتۋ قاجەت پە؟ "كو" – بىرلەسكەن، "ۆوركينگ" – جۇمىس. "بىرلەسكەن جۇمىس" دەپ نەگە ايتپايسىڭدار؟
بارلىعى مىندەتتى تۇردە "ءساندى"، ادەمى بولۋى كەرەك، اسىرەسە جاستار اۋەس وسىعان.
ءبىراق ءبىزدىڭ جاساعان دۇنيەمىزدىڭ بارلىعى حالىققا تۇسىنىكتى بولۋى كەرەك"، — دەدى نازاربايەۆ "نۇر وتان" پارتياسىنىڭ ساياسي كەڭەسىنىڭ كەڭەيتىلگەن وتىرىسىندا.
ول وڭىرلەرگە جاساعان ساپارى كەزىندە، الماتى مەن ورالداعى كوۆوركينگ-ورتالىقتاردىڭ جۇمىسىمەن تانىسقانىن اتاپ ءوتتى.
"بۇل جۇمىستىڭ اشىقتىعى – بارلىعى ءبىر جەرگە جينالىپ، وقيدى، بىرلەسىپ ءىت ءونىم شىعارادى"، — دەدى پرەزيدەنت.
استانادا "نۇر وتان" پارتياسىنىڭ ساياسي كەڭەسىنىڭ كەڭەيتىلگەن وتىرىسى ءوتىپ جاتىر. وتىرىستا مەملەكەت باسشىسىنىڭ 2017 جىلدىڭ 3 قاراشاسىندا پارتيا ساياسي كەڭەسىنىڭ وتىرىسىندا بەرگەن تاپسىرمالارىن ىسكە اسىرۋ بارىسى جانە پرەزيدەنتتىڭ بەس الەۋمەتتىك باستاماسىنىڭ ىسكە اسىرىلۋىن قاداعالايتىن قوعامدىق باقىلاۋدى ۇيىمداستىرۋ ماسەلەلەرى قارالادى.
دەرەككوز: sputniknews.kz
