Májilis depýtaty Ermurat Bapi eks-prezident Nursultan Nazarbaev jaýapqa tartylýy keregin aitty, - dep habarlaidy Dalanews.kz.
"Nazarbaevtyń 30 jylǵy biligin saralai kele aitarym, ol mindetti túrde jaýapqa tartylýy kerek adam. Ol jaýap berýi kerek. Birinshiden, ol ashyq turpatymen halyq aldynda esebin berýi kerek. Al ol aldy da ketti. Eldi alǵa jetkizdim dep ketti.
Al artynda murasy qaldy ǵoi. Onyń bári avtoritarlyq biliktiń surqiia, suraqy murasy qaldy. Sondyqtan kóptegen másele jóninde ony jaýapqa shaqyrý kerek. Mysaly qýdalanǵan saiasatkerler týraly, atylyp ketken saiasatkerler turǵysynda, qazirgi eldiń jaǵdaiy, urlyq, talan-taraj, halyq bailyǵyn jeke-dara biligine salyp, tipti Ulttyq banktegi qarjyny jeke adamdarǵa berý turǵysynda eks-prezident Nazarbaevqa qoiylatyn suraqtar óte kóp. Júieli túrde illiýstratsiia jasaǵannan keiin naqty baǵa berýge bolady dep oilaimyn", - deidi Ermurat Bapi Airan media-ǵa bergen suhbatynda.
Eske salaiyq, buǵan deiin Ermurat Bapi Nazarbaevtyń shettegi "esepsiz bailyǵy", sheteldegi aktivter, Reseidiń Qazaqstanǵa yqpaly týraly ashyq aitqan bolatyn.
Saiasatker Qazaqstanda aktivterdi qaitarý jónindegi komissiiany Úkimet quratynyn, onyń quramyn da Úkimet jasaqtaitynyn, bul quramda ózi joq ekenin aitty. Onyń sózinshe, bul quramǵa múshelerdiń ishinde qoǵam ókilderinen eki adam bar.
"Buǵan deiin Jaqsylyq Kúlekeev bolyp edi. Qazir ornyna bireý keldi, bilmeimin. Olardyń komissiia týraly aityp jatqanyn estigen joqpyn. Parlamentten eki adam, Senattan bir adam bar. Májilisten Marat Bashimov degen konstitýtsiialyq zańger bar. Bul turǵyda onyń tájirbiesi jeterlik azamat. Biraq komissiianyń jumysy qupiia júretin bolǵandyqtan, ol kisi de kóp eshteńe aita almaidy.
...Alǵashqy kezde aktivterdi kelisimimen, óz erkimen qaitarý jónindegi jumystar júrip jatyr. Biraq ol kimmen, qalai júrip jatqanynan habarymyz joq. Sebebi qupiia bolǵandyqtan, zańdy qabyldaǵan depýtattardyń ózi beihabarmyz. Birneshe ret depýtattyq saýal joldadym. Ásirese, halyqty habardar etý jóninde (depýtattyq saýal joldadym - esk.). Halyq aktivterdi qaitarý máselesinen kóp úmit kútip otyr. Sondyqtan quryp ketkende aiyna bir ret qoǵamǵa bir aqparat berip otyrý jóninde birneshe qaitara talap qoidyq, usynys jasadyq. Biraq ázirshe anda-sanda aqparat árkimniń aýzynan bir shyǵady. Birde premerdiń aýzynan estidik. Ótkende ashyq aqparatqa shyqty. Prezident ákimshiliginiń basshysy Dádebaev myrzanyń aýzynan estidik. Sol siiaqty aktivterdi qaitarý máselesinen tereń habardar emespiz. Biraq degenmen jeke ózime insaiderlik aqparattar kelip turady. Onyń túp negizine, aqiqattyǵyna, qaýeset emes ekenine kóz jetkizip alý kerek", - dedi depýtat "Adyrna" ulttyq portalyna.
Ermurat Bapi shetten qaitqan aktivterdi jinaqtaityn jaýapkershiligi shekteýli seriktestik bar ekenin, bul 100 paiyz Úkimettiń qaramaǵynda ekenin jetkizdi. Onyń sózinshe, búkil aktiv osynda kelip túsedi.
