مەجٸلٸس دەپۋتاتى ەرمۇرات باپي ەكس-پرەزيدەنت نۇرسۇلتان نازارباەۆ جاۋاپقا تارتىلۋى كەرەگٸن ايتتى, - دەپ حابارلايدى Dalanews.kz.
"نازارباەۆتىڭ 30 جىلعى بيلٸگٸن سارالاي كەلە ايتارىم, ول مٸندەتتٸ تٷردە جاۋاپقا تارتىلۋى كەرەك ادام. ول جاۋاپ بەرۋٸ كەرەك. بٸرٸنشٸدەن, ول اشىق تۇرپاتىمەن حالىق الدىندا ەسەبٸن بەرۋٸ كەرەك. ال ول الدى دا كەتتٸ. ەلدٸ العا جەتكٸزدٸم دەپ كەتتٸ.
ال ارتىندا مۇراسى قالدى عوي. ونىڭ بەرٸ اۆتوريتارلىق بيلٸكتٸڭ سۇرقييا, سۇراقى مۇراسى قالدى. سوندىقتان كٶپتەگەن مەسەلە جٶنٸندە ونى جاۋاپقا شاقىرۋ كەرەك. مىسالى قۋدالانعان ساياساتكەرلەر تۋرالى, اتىلىپ كەتكەن ساياساتكەرلەر تۇرعىسىندا, قازٸرگٸ ەلدٸڭ جاعدايى, ۇرلىق, تالان-تاراج, حالىق بايلىعىن جەكە-دارا بيلٸگٸنە سالىپ, تٸپتٸ ۇلتتىق بانكتەگٸ قارجىنى جەكە ادامدارعا بەرۋ تۇرعىسىندا ەكس-پرەزيدەنت نازارباەۆقا قويىلاتىن سۇراقتار ٶتە كٶپ. جٷيەلٸ تٷردە يلليۋستراتسييا جاساعاننان كەيٸن ناقتى باعا بەرۋگە بولادى دەپ ويلايمىن", - دەيدٸ ەرمۇرات باپي Airan media-عا بەرگەن سۇحباتىندا.
ەسكە سالايىق, بۇعان دەيٸن ەرمۇرات باپي نازارباەۆتىڭ شەتتەگٸ "ەسەپسٸز بايلىعى", شەتەلدەگٸ اكتيۆتەر, رەسەيدٸڭ قازاقستانعا ىقپالى تۋرالى اشىق ايتقان بولاتىن.
ساياساتكەر قازاقستاندا اكتيۆتەردٸ قايتارۋ جٶنٸندەگٸ كوميسسييانى ٷكٸمەت قۇراتىنىن, ونىڭ قۇرامىن دا ٷكٸمەت جاساقتايتىنىن, بۇل قۇرامدا ٶزٸ جوق ەكەنٸن ايتتى. ونىڭ سٶزٸنشە, بۇل قۇرامعا مٷشەلەردٸڭ ٸشٸندە قوعام ٶكٸلدەرٸنەن ەكٸ ادام بار.
"بۇعان دەيٸن جاقسىلىق كٷلەكەەۆ بولىپ ەدٸ. قازٸر ورنىنا بٸرەۋ كەلدٸ, بٸلمەيمٸن. ولاردىڭ كوميسسييا تۋرالى ايتىپ جاتقانىن ەستٸگەن جوقپىن. پارلامەنتتەن ەكٸ ادام, سەناتتان بٸر ادام بار. مەجٸلٸستەن مارات باشيموۆ دەگەن كونستيتۋتسييالىق زاڭگەر بار. بۇل تۇرعىدا ونىڭ تەجٸربيەسٸ جەتەرلٸك ازامات. بٸراق كوميسسييانىڭ جۇمىسى قۇپييا جٷرەتٸن بولعاندىقتان, ول كٸسٸ دە كٶپ ەشتەڭە ايتا المايدى.
...العاشقى كەزدە اكتيۆتەردٸ كەلٸسٸمٸمەن, ٶز ەركٸمەن قايتارۋ جٶنٸندەگٸ جۇمىستار جٷرٸپ جاتىر. بٸراق ول كٸممەن, قالاي جٷرٸپ جاتقانىنان حابارىمىز جوق. سەبەبٸ قۇپييا بولعاندىقتان, زاڭدى قابىلداعان دەپۋتاتتاردىڭ ٶزٸ بەيحابارمىز. بٸرنەشە رەت دەپۋتاتتىق ساۋال جولدادىم. ەسٸرەسە, حالىقتى حاباردار ەتۋ جٶنٸندە (دەپۋتاتتىق ساۋال جولدادىم - ەسك.). حالىق اكتيۆتەردٸ قايتارۋ مەسەلەسٸنەن كٶپ ٷمٸت كٷتٸپ وتىر. سوندىقتان قۇرىپ كەتكەندە ايىنا بٸر رەت قوعامعا بٸر اقپارات بەرٸپ وتىرۋ جٶنٸندە بٸرنەشە قايتارا تالاپ قويدىق, ۇسىنىس جاسادىق. بٸراق ەزٸرشە اندا-ساندا اقپارات ەركٸمنٸڭ اۋزىنان بٸر شىعادى. بٸردە پرەمەردٸڭ اۋزىنان ەستٸدٸك. ٶتكەندە اشىق اقپاراتقا شىقتى. پرەزيدەنت ەكٸمشٸلٸگٸنٸڭ باسشىسى دەدەباەۆ مىرزانىڭ اۋزىنان ەستٸدٸك. سول سيياقتى اكتيۆتەردٸ قايتارۋ مەسەلەسٸنەن تەرەڭ حاباردار ەمەسپٸز. بٸراق دەگەنمەن جەكە ٶزٸمە ينسايدەرلٸك اقپاراتتار كەلٸپ تۇرادى. ونىڭ تٷپ نەگٸزٸنە, اقيقاتتىعىنا, قاۋەسەت ەمەس ەكەنٸنە كٶز جەتكٸزٸپ الۋ كەرەك", - دەدٸ دەپۋتات "ادىرنا" ۇلتتىق پورتالىنا.
ەرمۇرات باپي شەتتەن قايتقان اكتيۆتەردٸ جيناقتايتىن جاۋاپكەرشٸلٸگٸ شەكتەۋلٸ سەرٸكتەستٸك بار ەكەنٸن, بۇل 100 پايىز ٷكٸمەتتٸڭ قاراماعىندا ەكەنٸن جەتكٸزدٸ. ونىڭ سٶزٸنشە, بٷكٸل اكتيۆ وسىندا كەلٸپ تٷسەدٸ.
