Ekonomist Baýyrjan Muqanov Májilis depýtaty, jýrnalist Nartai Aralbaiulyna bergen suhbatynda shet elge ketken zańsyz aktivterdi qaitarý jaiy týraly aitty, - dep habarlaidy Dalanews.kz.
Baýyrjan Muqanov zańsyz shyǵarylǵan aktivterdi qaitarý týraly komissiianyń ideiasy óte jaqsy ekenin jetkizdi. Óitkeni buǵan deiin kóp nárse zańsyz jolmen ketken. Ásirese, munai qymbatshylyǵy kezinde júgensiz ketipti.
"Munai óte qymbat 110-120 dollar bolǵan kezde 2008-2010 jyldary, Nursultan Nazarbaevtyń biligi kezinde, qazir Nazarbaevty jamandaý moda ǵoi, sol kezde qoǵamdyq kelisimde "men de jeimin, sen de jeisiń, halyqqa da birdeńe ber, Astana da salynsyn, bárimizge jetedi, eshkim aqshasyz, jumyssyz qalmaidy, bárińe de jetetin nárse, qyrylyspai-tóbelespei jeńder" degen nárse boldy", - deidi Baýyrjan Muqanov.
Ekonomistiń sózinshe, qazir bári kerisinshe, qiyndap ketken. Sarapshy aldaǵy Úkimet bul máseleni qalai sheshetinine boljam jasady.
"Odan keiin Toqaev Prezident bolǵannan keiin zaman qiyndap ketti, koronavirýstan bastap, krizis bári bar, tipti soǵys bastalyp ketti. Sol kezde ne jeý kerek, ne ekonomikany damytý kerek (degen nárse boldy - esk.). Buryn jep úirenip qalǵandar oǵan qaramaidy, jegisi keledi. Biraq ekonomika qulap ketedi. Óndiris jasalmaǵan. ...Sottasý da biznes degendei, Bektenovtiń negizgi kásibi - bar aqshany tiimdi paidalaný jáne shyǵarmaý. Osy jumystyń ózi jaqsy atqarylsa, ol da jetedi. Biraq negizgi maqsat - ózimizdi-ózimiz asyraityndai óndiris (qurý - esk.)", - deidi sarapshy.
