ەكونوميست باۋىرجان مۇقانوۆ مەجٸلٸس دەپۋتاتى, جۋرناليست نارتاي ارالبايۇلىنا بەرگەن سۇحباتىندا شەت ەلگە كەتكەن زاڭسىز اكتيۆتەردٸ قايتارۋ جايى تۋرالى ايتتى, - دەپ حابارلايدى Dalanews.kz.
باۋىرجان مۇقانوۆ زاڭسىز شىعارىلعان اكتيۆتەردٸ قايتارۋ تۋرالى كوميسسييانىڭ يدەياسى ٶتە جاقسى ەكەنٸن جەتكٸزدٸ. ٶيتكەنٸ بۇعان دەيٸن كٶپ نەرسە زاڭسىز جولمەن كەتكەن. ەسٸرەسە, مۇناي قىمباتشىلىعى كەزٸندە جٷگەنسٸز كەتٸپتٸ.
"مۇناي ٶتە قىمبات 110-120 دوللار بولعان كەزدە 2008-2010 جىلدارى, نۇرسۇلتان نازارباەۆتىڭ بيلٸگٸ كەزٸندە, قازٸر نازارباەۆتى جامانداۋ مودا عوي, سول كەزدە قوعامدىق كەلٸسٸمدە "مەن دە جەيمٸن, سەن دە جەيسٸڭ, حالىققا دا بٸردەڭە بەر, استانا دا سالىنسىن, بەرٸمٸزگە جەتەدٸ, ەشكٸم اقشاسىز, جۇمىسسىز قالمايدى, بەرٸڭە دە جەتەتٸن نەرسە, قىرىلىسپاي-تٶبەلەسپەي جەڭدەر" دەگەن نەرسە بولدى", - دەيدٸ باۋىرجان مۇقانوۆ.
ەكونوميستٸڭ سٶزٸنشە, قازٸر بەرٸ كەرٸسٸنشە, قيىنداپ كەتكەن. ساراپشى الداعى ٷكٸمەت بۇل مەسەلەنٸ قالاي شەشەتٸنٸنە بولجام جاسادى.
"ودان كەيٸن توقاەۆ پرەزيدەنت بولعاننان كەيٸن زامان قيىنداپ كەتتٸ, كوروناۆيرۋستان باستاپ, كريزيس بەرٸ بار, تٸپتٸ سوعىس باستالىپ كەتتٸ. سول كەزدە نە جەۋ كەرەك, نە ەكونوميكانى دامىتۋ كەرەك (دەگەن نەرسە بولدى - ەسك.). بۇرىن جەپ ٷيرەنٸپ قالعاندار وعان قارامايدى, جەگٸسٸ كەلەدٸ. بٸراق ەكونوميكا قۇلاپ كەتەدٸ. ٶندٸرٸس جاسالماعان. ...سوتتاسۋ دا بيزنەس دەگەندەي, بەكتەنوۆتٸڭ نەگٸزگٸ كەسٸبٸ - بار اقشانى تيٸمدٸ پايدالانۋ جەنە شىعارماۋ. وسى جۇمىستىڭ ٶزٸ جاقسى اتقارىلسا, ول دا جەتەدٸ. بٸراق نەگٸزگٸ ماقسات - ٶزٸمٸزدٸ-ٶزٸمٸز اسىرايتىنداي ٶندٸرٸس (قۇرۋ - ەسك.)", - دەيدٸ ساراپشى.
