– «Qazaqstan azamattarynyń» ornyna «árkim» degen ózgeristi engizýdi zańgerler qaýymy tolyǵymen qoldady. Sebebi sonyń arqasynda elimizge ınvestısıany kóbirek tartýǵa múmkindik bar. Investorlardyń senimi de arta túsedi. Degenmen, asyǵystyq jasamaı-aq qoıalyq. Bizge konsensýs kerek. Osyny keńinen túsindirý qajet. Báribir biz oǵan kelemiz. Jer máselesinde de ondaı bolady. Óıtkeni ıesiz jer tozady. Onyń qunarlyǵy joǵalady. Sondyqtan kúnderdiń kúninde ony túsinimýimiz kerek. «Iesi joq jer jetim» degen qazaqtyń sózi bar. Talaı ret kórgenbiz, qýraı ósip, jerdiń tozyp ketkenin. Bul bapty keıinge shegere turaıyq, – dedi Nursultan Nazarbaev.
Elbasy jańa zań jobasyn Parlament qaraýyna engizdi. Qazir atalǵan ózgeriske baılanysty depýtattar birinshi oqylymda daýys beretin bolady.
– Konstıtýsıalyq reformalar – Qazaqstan qaı baǵytta júredi degen saýalǵa naqty jaýabymyz boldy. Ol demokratıalyq damý baǵyty. Biz jaýapty sátterdiń bárinde aýyzbirshiligimizdi tanyta bilgen xalyqpyz. Qazir de osy asyl qasıetimizdi kórsetýge tıispiz. El bolashaǵy úshin aıryqsha mańyzdy isti abyroımen atqaratynymyzǵa nyq senimmen tıisti zań jobasyn Parlamentke engizip otyrmyn. Endi Parlament ashyq qaraýy kerek, – dedi Prezıdent.
Derekkózi: baq.kz
