– «قازاقستان ازاماتتارىنىڭ» ورنىنا «اركىم» دەگەن وزگەرىستى ەنگىزۋدى زاڭگەرلەر قاۋىمى تولىعىمەن قولدادى. سەبەبى سونىڭ ارقاسىندا ەلىمىزگە ينۆەستيسيانى كوبىرەك تارتۋعا مۇمكىندىك بار. ينۆەستورلاردىڭ سەنىمى دە ارتا تۇسەدى. دەگەنمەن، اسىعىستىق جاساماي-اق قويالىق. بىزگە كونسەنسۋس كەرەك. وسىنى كەڭىنەن ءتۇسىندىرۋ قاجەت. ءبارىبىر ءبىز وعان كەلەمىز. جەر ماسەلەسىندە دە ونداي بولادى. ويتكەنى يەسىز جەر توزادى. ونىڭ قۇنارلىعى جوعالادى. سوندىقتان كۇندەردىڭ كۇنىندە ونى ءتۇسىنىمۋىمىز كەرەك. «يەسى جوق جەر جەتىم» دەگەن قازاقتىڭ ءسوزى بار. تالاي رەت كورگەنبىز، قۋراي ءوسىپ، جەردىڭ توزىپ كەتكەنىن. بۇل باپتى كەيىنگە شەگەرە تۇرايىق، – دەدى نۇرسۇلتان نازاربايەۆ.
ەلباسى جاڭا زاڭ جوباسىن پارلامەنت قاراۋىنا ەنگىزدى. ءقازىر اتالعان وزگەرىسكە بايلانىستى دەپۋتاتتار ءبىرىنشى وقىلىمدا داۋىس بەرەتىن بولادى.
– كونستيتۋسيالىق رەفورمالار – قازاقستان قاي باعىتتا جۇرەدى دەگەن ساۋالعا ناقتى جاۋابىمىز بولدى. ول دەموكراتيالىق دامۋ باعىتى. ءبىز جاۋاپتى ساتتەردىڭ بارىندە اۋىزبىرشىلىگىمىزدى تانىتا بىلگەن xالىقپىز. ءقازىر دە وسى اسىل قاسيەتىمىزدى كورسەتۋگە ءتيىسپىز. ەل بولاشاعى ءۇشىن ايرىقشا ماڭىزدى ءىستى ابىرويمەن اتقاراتىنىمىزعا نىق سەنىممەن ءتيىستى زاڭ جوباسىن پارلامەنتكە ەنگىزىپ وتىرمىن. ەندى پارلامەنت اشىق قاراۋى كەرەك، – دەدى پرەزيدەنت.
دەرەككوزى: baq.kz
