"Obojaiý" YouTube-arnasynyń avtory, jýrnalist Ashat Niiazov Naýryz merekesine qymbat kóliktermen kelgen Qyzylorda oblysynyń ákimi Nurlybek Nálibaevty synady, dep habarlaidy Dalanews.kz.
Jýrnalist jariialaǵan videoda ákim kortejinde Maybach pen Chevrolet Tahoe sekildi qymbat kólikterdi baiqaýǵa bolady.
"Búgin Shielige Naýryz merekesine orai Qyzylorda oblysynyń ákimi Nurlybek Nálibaev keldi. Árine, ózimen birge qymbat korteji bar. Maibah jáne Chevrolet Tahoe sekildi qymbat kólikterdi jergilikti turǵyndar oblys ákimi kelgen kezde ǵana kóretin shyǵar. Nálibaevqa kóliktiń esigin ashyp beretin arnaiy adamy bar, deidi jýrnalist.
Jeli qoldanýshylarynyń pikiri ekige bólindi.
Toqaev ne dep edi?
Eske salaiyq, úkimettiń keńeitilgen otyrysynda prezident úkimetke qajetsiz shyǵyndardy tiiý keregin aitqan bolatyn.
«Men reformalardyń naqty baǵyty men ony júzege asyrý joldary týraly osyǵan deiin de aittym. Úkimet el ekonomikasyn turalap qalýdan saqtap, ornyqty damýdy qamtamasyz etý úshin kúrdeli sheshimder qabyldaýy kerek jáne eń bastysy sol sheshimderdi iske asyrýǵa tiis. Bul – joǵary bilikti ári jaýapkershilik alýǵa daiyn memlekettik qyzmetshilerdiń qolynan keletin jumys. Álemdik tájiribege qarasaq, memlekettik apparattyń tiimdiligi osyndai kúrdeli kezeńderde aiqyn kórinedi.
Úkimet qanshalyqty qiyn bolsa da, jappai únemdeýge kóship, biýdjet qarjysyn tek qana asa ózekti máselelerdi sheshýge jumsaýy kerek. Kórpege qarai kósiletin ýaqyt keldi. Orynsyz shyǵyndy toqtatyp, aiaǵymyzdy tartyp basý qajet», degen edi prezident.
