Naýryzdy ýaqytymen toilaý qashan daǵdyǵa ainalady?
Naýryzdy tek kójemen bailanystyryp, kójege toiý dep túsinetinder bar. Naýryz – eń aldymen, sharýa meiramy, tazalyq meiramy. Úidiń ishi-syrtyn tazalap, kúl-qoqystan aryltyp, synǵan kese-tabaqty tastap, ornyna jańa zat alyp jańalap solai Naýryzǵa daiyndalý qajet.
Naýryz kúni qoi soiatyndar bar... Tabiǵattyń jańaryp, túlep jatqanynda, jan-janýar bitken qystan shyǵyp mal tóldeitin ýaqytta qai qazaq mal soiyp edi? Bul kúni – 22 naýryzda qurylys bastamaidy, aý salmaidy, is tikpeidi, mal soimaidy, tuzaq qurmaidy... Naýryz – kóńil meiramy, jaqyndaryńa syilyq berip qýant. Naýryz saǵan birde – erte, birde kesh júre beretin qoǵamdyq kólik emes, týra ýaqytynda, óziniń retimen 21-inen 22-sine qaraǵan túni keledi. Sondyqtan bári ret-retimen atqarylǵany durys.
Qazir áiteýir ótkizý kerek dep apyr-topyr, ásirese 22 naýryz jeksenbige tússe, juma kúni meiramdy atqara salatyn boldyq. Bul ne degen aýajaiýshylyq?
Osyny óz basym osydan birneshe jyl buryn apamnyń aýzynan estidim. Sol ýaqyttan beri oryndap kele jatyrmyn. Naýryz bir kúndik naýqan emes, bir apta buryn úiińdi tazala, aýlańdy rette, bir ai boiy naýryz kójeńdi daiynda... Jaqyn-jýyǵyńa dám tatqyz.
Aigúl Bolathanqyzy
(jazba avtordyń "Feisbýktaǵy" paraqshasynan alyndy)
