2026 jylǵy naýryz UBT-dan 179 myńǵa jýyq adam ótti. Talapkerlerdiń 75%-y testileýdi qazaq tilinde, 25%-y orys tilinde jáne 157 adam aǵylshyn tilinde tapsyrdy, dep habarlaidy Dalanews.kz.
Talapkerlerdiń 70%-y shekti ball jinady. Bes pán boiynsha ortasha ball - 66 ball. Eń joǵary nátije – 140 ball.
Atyraý oblysynyń túlegi Jazira Keńesova tórt pán boiynsha 90 ball jinady. Sonymen qatar, QAZTEST sertifikatyn paidalanyp, "Qazaq tili" páni boiynsha baldaryn konvertatsiialady. Osylaisha, jalpy nátijesi - 140 ball.
Talapkerlerdiń test tapsyrmalarynyń mazmuny boiynsha testileý aiaqtalǵannan keiin 30 minýt ishinde apelliatsiiaǵa berýge quqyǵy bar. Tehnikalyq sebepter boiynsha apelliatsiia tikelei testileý kezinde qabyldanady. Bul joly 31 myńnan asa ótinish qabyldanyp, olardyń ishinde 17 biregei test tapsyrmasyna qatysty ótinishter qanaǵattandyryldy. Respýblikalyq komissiia jumysyn aiaqtady, talapkerlerdiń sertifikattary jeke kabinette qoljetimdi.
Testke qatysýshylardyń basym bóligi "Matematika-Fizika" kombinatsiialaryn tańdaǵan, iaǵni 18,7%-y tapsyrdy. "Biologiia-Himiia" pánderin 16,5%-y tańdaǵan. Sondai-aq, top-3 qataryna talapkerlerdiń 10,3%-y tańdaǵan "Shyǵarmashylyq emtihan" kombinatsiiasy kirdi.
UBT-ny ótkizý barysynda 264 erejebuzýshylyq anyqtalǵan. 130 talapker smartfondardy, shpargalkalardy jáne basqa da tyiym salynǵan zattardy alyp kirmek bolǵany úshin testileýden shettetildi. Taǵy 134 adam testileý kezinde erejelerdi buzǵany úshin aýditoriiadan shyǵaryldy, olardyń nátijeleri joiyldy.
