HATÝ PhD doktory jáne Ionosfera institýtynyń jetekshi ǵylymi qyzmetkeri Marat Nurtas Almatyda bolǵan jer silkinisine bailanysty mańyzdy derekterdi bólisti, dep habarlaidy Dalanews.kz.
Onyń aitýynsha, bul jer silkinisi aldyn ala boljanǵan jáne magnitýdasy da dál eseptelgen.
"Biz tarihi statistikalyq derekter arqyly boljaimyz. Iaǵni, osyǵan deiin Almatynyń tóńireginde jáne Eýraziia qurlyǵynda bolǵan barlyq jazbaǵa analiz jasaimyz. Muny jasandy intellekt, sonyń ishinde mashinaly oqytý ádisteri arqyly arasyndaǵy zańdylyqtardy tekseremiz. Sonymen qatar statistikalyq modelderdi qoldanamyz. Bizdiń laboratoriia jer silkinisin aldyn ala boljaidy. Alaida ýaqytymen jáne kúnimen boljaý qiyn. Tek bir aptalyq boljam jasai alamyz. Máselen, ótkende 17-nen 24-ine deiin dep boljaǵan edik. Biraq magnitýdasy boiynsha 6 dep eseptedik. Biraq ol kezde 4 ball bolǵan edi. Osy jolǵysyn da boljadyq. Boljam boiynsha, magnitýdasyn 5,4 ball dep dál eseptedik", - deidi Marat Nurtas.
Maman almatylyqtardy aldaǵy ýaqytta saq bolýǵa shaqyrdy. Sebebi atalmysh tótenshe jaǵdaidyń qaitalaný qaýpi joǵary ekenin alǵa tartady.
"Bul tótenshe jaǵdaiǵa bailanysty halyq óte saq bolýy qajet. Sebebi búkil taldaý jasap, arasyndaǵy zańdylyqtardy zerttegen kezde jer silkinisi qaýipti bolatyn kez naýryz jáne qarasha ailary ekeni belgili boldy. Derekterdi taldaýymyz boiynsha, osy aralyqty jer silkinisi qaýipti aimaq dep kórsetip otyr. Sondyqtan naýryz aiynda abai bolǵan jón", - dep sózin qorytyndylady ol.
Eske salaiyq, búgin QR TJM "NNTsSN i I" JShS seismikalyq stantsiialar jelisimen 4 naýryzda Almaty ýaqytymen 11.22-de (2024 jylǵy 04 Naýryzda Grinvich boiynsha 06 saǵat 22 min 06 sek) jer silkinisi tirkeldi.
"Jer silkinisiniń epitsentri Qazaqstan aýmaǵynda Almaty qalasynan ońtústikke qarai 31 shaqyrym jerde ornalasqan", - dep jazylǵan TJD málimetinde.
Jer silkinisiniń energetikalyq klasy - 13.2. MPV magnitýdasy - 6.1. Epitsentrdiń koordinattary 42.93° S. E. 76.96° sh. b. Tereńdigi - 10 shaqyrym. Almaty qalasynda 5 ball bolyp sezildi.
