ناۋرىزدا ابايلاۋ كەرەك. قاراشادا قايتالانادى – مامان جەر سىلكىنىسىنە بايلانىستى پىكىر ءبىلدىردى

قاراكوز امانتاي 04 ناۋ. 2024 12:52 5398

حاتۋ PhD دوكتورى جانە يونوسفەرا ينستيتۋتىنىڭ جەتەكشى عىلىمي قىزمەتكەرى مارات نۇرتاس الماتىدا بولعان جەر سىلكىنىسىنە بايلانىستى ماڭىزدى دەرەكتەردى ءبولىستى، دەپ حابارلايدى Dalanews.kz.

ونىڭ ايتۋىنشا، بۇل جەر سىلكىنىسى الدىن الا بولجانعان جانە ماگنيتۋداسى دا ءدال ەسەپتەلگەن.  

"ءبىز تاريحي ستاتيستيكالىق دەرەكتەر ارقىلى بولجايمىز. ياعني، وسىعان دەيىن الماتىنىڭ توڭىرەگىندە جانە ەۋرازيا قۇرلىعىندا بولعان بارلىق جازباعا اناليز جاسايمىز. مۇنى جاساندى ينتەللەكت، سونىڭ ىشىندە ماشينالى وقىتۋ ادىستەرى ارقىلى اراسىنداعى زاڭدىلىقتاردى تەكسەرەمىز. سونىمەن قاتار ستاتيستيكالىق مودەلدەردى قولدانامىز. ءبىزدىڭ لابوراتوريا جەر سىلكىنىسىن الدىن الا بولجايدى. الايدا ۋاقىتىمەن جانە كۇنىمەن بولجاۋ قيىن. تەك ءبىر اپتالىق بولجام جاساي الامىز. ماسەلەن، وتكەندە 17-نەن 24-ىنە دەيىن دەپ بولجاعان ەدىك. ءبىراق ماگنيتۋداسى بويىنشا 6 دەپ ەسەپتەدىك. ءبىراق ول كەزدە 4 بالل بولعان ەدى. وسى جولعىسىن دا بولجادىق. بولجام بويىنشا، ماگنيتۋداسىن 5،4 بالل دەپ ءدال ەسەپتەدىك"، - دەيدى مارات نۇرتاس. 

مامان الماتىلىقتاردى الداعى ۋاقىتتا ساق بولۋعا شاقىردى. سەبەبى اتالمىش توتەنشە جاعدايدىڭ قايتالانۋ ءقاۋپى جوعارى ەكەنىن العا تارتادى.

"بۇل توتەنشە جاعدايعا بايلانىستى حالىق وتە ساق بولۋى قاجەت. سەبەبى بۇكىل تالداۋ جاساپ، اراسىنداعى زاڭدىلىقتاردى زەرتتەگەن كەزدە جەر سىلكىنىسى ءقاۋىپتى بولاتىن كەز ناۋرىز جانە قاراشا ايلارى ەكەنى بەلگىلى بولدى. دەرەكتەردى تالداۋىمىز بويىنشا، وسى ارالىقتى جەر سىلكىنىسى ءقاۋىپتى ايماق دەپ كورسەتىپ وتىر. سوندىقتان ناۋرىز ايىندا اباي بولعان ءجون"، -  دەپ ءسوزىن قورىتىندىلادى ول.

ەسكە سالايىق، بۇگىن ق ر تجم "ننسسن ي ي" ج ش س سەيسميكالىق ستانسيالار جەلىسىمەن 4 ناۋرىزدا الماتى ۋاقىتىمەن 11.22-دە (2024 جىلعى 04 ناۋرىزدا گرينۆيچ بويىنشا 06 ساعات 22 مين 06 سەك) جەر سىلكىنىسى تىركەلدى.

"جەر سىلكىنىسىنىڭ ەپيسەنترى قازاقستان اۋماعىندا الماتى قالاسىنان وڭتۇستىككە قاراي 31 شاقىرىم جەردە ورنالاسقان"، - دەپ جازىلعان تجد مالىمەتىندە.

جەر سىلكىنىسىنىڭ ەنەرگەتيكالىق كلاسى - 13.2. MPV ماگنيتۋداسى - 6.1. ەپيسەنتردىڭ كوورديناتتارى 42.93° س. ە. 76.96° ش. ب. تەرەڭدىگى - 10 شاقىرىم. الماتى قالاسىندا 5 بالل بولىپ سەزىلدى.


ۇسىنىلعان
سوڭعى جاڭالىقتار
x