2026 jyldyń naýryz aiynda qazaqstandyqtar birden eki memlekettik merekeni atap ótedi - Halyqaralyq áielder kúni (8 naýryz) jáne Naýryz meiramy (21–23 naýryz). Demalys kúnderiniń aýysýyna bailanysty el turǵyndary úshin demalys ýaqyty uzarmaq, dep habarlaidy Dalanews.kz.
2026 jyly naýryz jumys kúnderiniń sany boiynsha eń qysqa ailardyń biri bolady.
Bes kúndik jumys aptasynda - 13 demalys jáne 18 jumys kúni,
alty kúndik jumys aptasynda - 9 demalys jáne 22 jumys kúni qarastyrylǵan.
8 naýryzda qalai demalamyz?
2026 jyly Halyqaralyq áielder kúni jeksenbige - 8 naýryzǵa sáikes keledi. Demalys kúnin aýystyrý erejesine sai, 9 naýryz, dúisenbi de demalys kúni bolady. Osylaisha qazaqstandyqtardy uzartylǵan demalys kútip tur. Al alǵashqy jumys kúni - 10 naýryz, seisenbi.
Demalys kestesi:
– bes kúndik jumys aptasynda: 7, 8 jáne 9 naýryz - úsh kún qatarynan demalys, 10 naýryz - jumys kúni;
– alty kúndik jumys aptasynda: 7 naýryz - jumys kúni, 8 jáne 9 naýryz - demalys, 10 naýryz - jumys kúni.
Naýryz meiramynda qalai demalamyz?
Naýryz meiramy dástúrli túrde 21–23 naýryz aralyǵynda atap ótiledi. 2026 jyly bul kúnder myna kúnderge sáikes keledi:
– 21 naýryz - senbi,
– 22 naýryz - jeksenbi,
– 23 naýryz - dúisenbi.
Merekelik kúnderdiń bir bóligi demalysqa túskendikten, qosymsha demalys kúnderi 24 jáne 25 naýryzǵa aýystyrylady.
Naýryzdaǵy demalys tártibi:
– bes kúndik jumys aptasynda: 21–25 naýryz aralyǵy - bes kún qatarynan demalys (senbiden sársenbige deiin);
– alty kúndik jumys aptasynda: 21, 22, 23 jáne 24 naýryz - demalys kúnderi, al 25 naýryz - jumys kúni.
