NASA ákimshisi Djared Aizekman Baiqońyr ǵarysh ailaǵyna keldi. Onyń saparynyń negizgi maqsaty – 14 shildede Halyqaralyq ǵarysh stantsiiasyna (HǴS) ushyrylatyn «Soiýz MS-29» basqarylatyn ǵarysh kemesiniń ushyrylymyna qatysý, dep habarlaidy dalanews.kz.
Aizekman Baiqońyrda «Roskosmos» memlekettik korporatsiiasynyń basshysy Dmitrii Bakanovpen kezdesip, ǵaryshkerler ekipajyn shyǵaryp saldy. Taraptar sondai-aq ekijaqty yntymaqtastyqtyń ózekti máselelerin talqylady.
«Soiýz MS-29» missiiasynyń negizgi ekipajynyń quramyna «Roskosmos» ǵaryshkerleri Petr Dýbrov pen Anna Kikina, sondai-aq NASA astronavty Anil Menon endi. Olar orbitada 261 táýlik jumys isteidi dep josparlanǵan.
Djared Aizekman NASA basshysy qyzmetine 2025 jyly kirisken. Ol biyl mamyr aiynda Resei tarapymen Halyqaralyq ǵarysh stantsiiasynyń paidalaný merzimi aiaqtalǵanǵa deiingi yntymaqtastyqtyń keleshegin talqylaýǵa nietti ekenin málimdegen bolatyn.
Baiqońyrdaǵy kezdesý sońǵy segiz jyldaǵy NASA men «Roskosmos» basshylary arasyndaǵy alǵashqy tikelei bailanys boldy. Sarapshylardyń pikirinshe, bul basqarylatyn ǵarysh baǵdarlamalary boiynsha dialogtyń qaita jandanǵanyn kórsetedi. Al Qazaqstan álemdik ǵarysh salasyndaǵy strategiialyq mańyzy bar negizgi ushyrý alańy retindegi rólin saqtap otyr.
